2017 jıldıñ 25 tamızın qosa alğanda medicinalıq saqtandıru qorına tüsken audarımdar men jarnalardıñ jalpı mölşeri 5,44 mlrd teñgeden astı. Onıñ 4,27 mlrd teñgesi (jalpı somanıñ 78,5%) jwmıs beruşilerdiñ qaramağındağı jwmıskerler üşin jasağan audarımdar, dep habarlaydı qordıñ baspasöz qızmeti.

Al 1,17 mlrd teñge (21,5%) - jeke käsipkerler men azamattıq-qwqıqtıq sipattağı kelisimşart negizinde eñbek etetin twlğalardıñ jarnaları.

Saqtandıru jarnasın töleu jağınan Astana men Almatı qalaları, sonday-aq, Qarağandı jäne Şığıs Qazaqstan oblıstarı köş bastap twr.

Boljam boyınşa, 2017 jıldıñ soñına deyin qorğa 23 mlrd teñgege juıq saqtandıru jarnası (audarımdarı) tüsui tiis (onıñ 95 payızı – audarımdar, 5 payızı – jarnalar).

Ayta keteyik, şilde ayında Qordıñ QR Wlttıq bankindegi şotına 800 mln teñgeden astam qarajat tüsken bolatın.

Eske salayıq, 1 şil­de­den bastap jwmıs beru­şiler men jeke käsipkerler jäne aza­mat­tıq-qwqıqtıq kelisimşart (AQK) negizinde eñbek etetin twlğa­lar jarna töleudi bastap ketti. Zañğa säykes, jwmıs beruşiler biıl jwmısker jalaqısınıñ 1 payı­zı köleminde aqşa audaradı. Biraq audarım soması 3669 teñgeden aspauı tiis (15 eñ tömengi jalaqınıñ 1%).

Jeke käsip­ker­ler men osı sanatqa teñestirilgen twlğalar, yağni, jeke men­şik notariustar men sot orın­dauşıları, advokattar, kä­si­bi mediatorlar Qorğa 2 eñ tömengi jalaqınıñ 5 payızın audaradı. Naqtıraq aytqanda, jarna möl­şeri 2017 jılı – 2446 teñgeni qwraydı. Oğan qosa, jeke käsipkerler qaramağındağı qızmetkerler üşin jwmıs beruşi retinde jarna audaradı.

Sonımen qatar, 1 şildeden bastap azamattıq-qwqıqtıq kelisimşart negizinde eñbek etetin azamattar tabısınıñ 5 payızın audaruı tiis. Bwl toptağılar töleytin jarnanıñ joğarğı mölşeri 3669 teñgeden aspaydı.

MÄMS şeñberindegi medicinalıq kömek 2018 jıldıñ 1 qañtarınan bastap körsetile bastaydı.

“The Qazaq Times”