Foto ğalator betterinen alındı.

APF aqparattıq agenttiginiñ habarlauınşa, jarılıs Kabuldıñ ortalığında, AQŞ-tıñ Auğanstandağı elşiliginiñ janında bolıp, birneşe adamnıñ jaralanuına jäne 4 azamattıñ qazasına sebepker bolğan. 

Qarbalas köşe ortasında özin-özi jarıp jibergen djihadşılardıñ mwnday äreketi Kabulda osımen birneşe ret qatarınan qaytalanıp otırğan qwbılıs. Osıdan üş ay bwrın osı mañda ülken jük köligi jarılıp, nätijesinde 150 adam ölim qwşqan bolatın.

Auğanstannıñ İşki ister ministrliginiñ ökili Natan Daş: "Terrakt Masud alañındağı bank bölimşesiniñ janında bolğan. Bwl şeneunikterdiñ Qwrban Ayt merekesi qarsañında jalaqı alatın kezi bolatın", - dedi.

Soñğı kezderi Talibandıqtardıñ qolımen wyımdastırılğan terrakt oqiğaları jiiledi. Juırda AQŞ Prezidenti Donal'd Tramp Auğanstanğa qatıstı jaña sayasatın jariyalap, öñirdegi amerikalıq äskerilerdiñ ülesin arttıru turalı şeşim qabıldağan bolatın.

Odan bwrın Trampqa aşıq hat joldap, Auğanstan jerinen ketuge keñes bergen Talibandıqtar ündeuleri eskerilmegennen keyin, aldağı uaqıtta Tayau Şığıstı şet eldiñ äskeri küşteri üşin "molağa" aynaldıruğa uäde bergen edi.

“The Qazaq Times”