Foto ğalamtor betterinen alındı.

Bügin tañerteñ milliondağan japondıqtar özderine qarsı ballistikalıq zımıran atılğanı turalı suıt habarlamadan oyandı. Zımırannıñ traektoriyasında ornalasqan eldiñ soltüstik böliginde dabıl oynap, jergilikti twrğındarğa jertöleler men jabıq orındarğa jasırınuğa bwyrıq berildi. Bwl turalı japondıqtarmen tildesken APF aqparattıq agenttiginiñ jurnalisteri jazdı.

Soltüstik Koreya aumağınan tañğı 05:57 şamasında wşırılğan zımıran Japoniya territoriyasınıñ aspanında 2 minuttay bolıp, Tınıq mwhitına qwlağan. Jergilikti twrğındarğa bir mezette zımıran qaupin eskertken habarlama kelip, alañsız wyqıdağı halıqtı äbigerge saldı.

Tañğı poyızğa jolğa şıqqan japondıqtar eskertu belgileri men kölik qozğalısı toqtatılğanı jöninde habarlamağa kezikti. Jolauşı tasımalımen aynalısatın poyızdardıñ biri öz qızmetiniñ toqtatıluı "ballistikalıq zımırannıñ wşırıluınan" dep anıq äri däl  körsetken. Bilik ökilderi halıqqa: "Tüsiniksiz qaldıqtar men zattarğa tap bolsañızdar, qolmen wstap ne jaqın barmañızdar! Dereu policiya qızmetkerleri men ört söndiruşilerge qoñırau şalıñızdar!", - dep eskertti.

AQŞ-tıñ jaqın odaqtası Japoniyağa qarsı atılğan zımıran Soltüstik Koreyanıñ jappay qarulanu sayasatına qatıstı maqsattarınan bas tartpaytının tağı bir däleldep, aral twrğındarı üşin jaña qauip töndirdi.

Japoniyada barlıq tötenşe jağdaylarğa arnalğan oqu-jattığuları jii wyımdastırılıp, jergilikti halıq ünemi dayın jürgenimen, bügingi jağday japondıqtardıñ köñiline küdik pen qorqınış wyalattı.

68 jastağı bwrınğı memlekettik qızmetker Yoşiaki Nakane: "Bwl jağday AQŞ pen Soltüstik Koreyanıñ onsız da qiın qarım-qatınasın odan äri şielenistirip jiberedi me dep qauiptenem", - dedi.

Soltüstik Koreya osıdan bwrın 2009 jılı Japoniyağa qarsı zımıran wşırğan kezde, onı jer serigine baylanıstı qatelikten, oqıstan bolğan jağday dep tüsindirgen. Alayda, AQŞ pen Oñtüstik Koreya jäne Japoniya biligi mwnı yadrolıq qarudıñ astırtın sınaması dep jorığan bolatın.

“The Qazaq Times”