Kaspi Bank Talğar qalasındağı bölimşege qaraqşılıq şabuıl jasauğa qatısı bar tonauşılardı wstauğa mümkindik beretin mañızdı aqparattı wsınğandarğa 5 million teñge sıyaqı beredi. Bwl  turalı banktiñ baspasöz qızmeti habarladı.

Tonauşılar turalı aqparattı banktiñ Qauipsizdik qızmetine ( +7 747 388 29 34) nemese +7 (727) 258 59 55 (2945) +7(701) 531 8347 baylanıs nömirine habarlauğa jäne pr@kaspibank.kz poştasına habarlama jiberuge boladı.

Baspasöz qızmetiniñ aqparatınşa, keybir BAQ Talğar bölimşesin tonau kezinde Kaspi Bank-tiñ şığını turalı aqparattı asığıs taratqan.

"Bwl aqparattıñ şındıqqa say emestigin, anıqtalğan aqparat boyınşa şığın kölemi 40 mln teñge şamasında ekenin habarlaymız. Şığın tolıqtay banktiñ öz esebinen jabıladı", - delingen habarlamada.

Ayta keteyik, 22 tamız küni Kaspi Bank-tiñ Talğar qalasındağı bölimşesine belgisiz bireuler basıp kirgen. Olar bölimşege şatır arqılı engen. Eşkim zardap şekpegen.

“The Qazaq Times”