Kaspi Bank تالعار قالاسىنداعى بولىمشەگە قاراقشىلىق شابۋىل جاساۋعا قاتىسى بار توناۋشىلاردى ۇستاۋعا مۇمكىندىك بەرەتىن ماڭىزدى اقپاراتتى ۇسىنعاندارعا 5 ميلليون تەڭگە سىياقى بەرەدى. بۇل  تۋرالى بانكتىڭ ءباسپاسوز قىزمەتى حابارلادى.

توناۋشىلار تۋرالى اقپاراتتى بانكتىڭ قاۋىپسىزدىك قىزمەتىنە ( +7 747 388 29 34) نەمەسە +7 (727) 258 59 55 (2945) +7(701) 531 8347 بايلانىس نومىرىنە حابارلاۋعا جانە pr@kaspibank.kz پوشتاسىنا حابارلاما جىبەرۋگە بولادى.

ءباسپاسوز قىزمەتىنىڭ اقپاراتىنشا، كەيبىر باق تالعار بولىمشەسىن توناۋ كەزىندە Kaspi Bank-ءتىڭ شىعىنى تۋرالى اقپاراتتى اسىعىس تاراتقان.

"بۇل اقپاراتتىڭ شىندىققا ساي ەمەستىگىن، انىقتالعان اقپارات بويىنشا شىعىن كولەمى 40 ملن تەڭگە شاماسىندا ەكەنىن حابارلايمىز. شىعىن تولىقتاي بانكتىڭ ءوز ەسەبىنەن جابىلادى", - دەلىنگەن حابارلامادا.

ايتا كەتەيىك، 22 تامىز كۇنى Kaspi Bank-ءتىڭ تالعار قالاسىنداعى بولىمشەسىنە بەلگىسىز بىرەۋلەر باسىپ كىرگەن. ولار بولىمشەگە شاتىر ارقىلى ەنگەن. ەشكىم زارداپ شەكپەگەن.

“The Qazaq Times”