Foto: statsport.kz

«Astana» futbol klubı biılğı çempiondar ligasındağı mausımında 6,18 million euro qarjı taptı.

Elordalıq klub biıl çempiondar ligasınıñ pley-off kezeñine şığa almağanı üşin 3 million euro, al europa ligasınıñ toptıq kezeñine ötkeni üşin 2,6 million euro qarjı alğan. Bwdan bölek «Astana» FK çempiondar ligasınıñ  ekinşi kvalifikaciyalıq raundında öner körsetkenine 320 mıñ euro jäne toptıq kezeñge şığa almağanını üşin 260 mıñ euro alğan.

Europa ligası ayasında klubtıñ älide bolsa är jeñisi üşin 360 mıñ euro, teñ oynağanı üşin 120 mıñ euro qarjı tabuğa mümkindigi bar. Al mausım soñında UEFA «Astana» futbol klubına televiziyalıq jäne marketingtik jwmıstardan tüsken qarajattıñ bir böligin beretin boladı.

Esteriñizge salayıq, keşe tamızdıñ 22 küni «Astana» öz alañınada ötken qarımta oyında Şotlandiyalıq «Seltik» futbol klubın 4:3 esebimen wtqan bolatın. Biraq bwl jeñis astanalıqtardıñ çempiondar ligasınıñ toptıq kezeñinde oynauına mümkindik bermeydi. Öytkeni olar Şotlandiyada «Seltik» FK 0:5 esebimen ese jibergen bolatın.

“The Qazaq Times”