فوتو: statsport.kz

«استانا» فۋتبول كلۋبى بيىلعى چەمپيوندار ليگاسىنداعى ماۋسىمىندا 6,18 ميلليون ەۋرو قارجى تاپتى.

ەلوردالىق كلۋب بيىل چەمپيوندار ليگاسىنىڭ پلەي-وفف كەزەڭىنە شىعا الماعانى ءۇشىن 3 ميلليون ەۋرو، ال ەۋروپا ليگاسىنىڭ توپتىق كەزەڭىنە وتكەنى ءۇشىن 2,6 ميلليون ەۋرو قارجى العان. بۇدان بولەك «استانا» فك چەمپيوندار ليگاسىنىڭ  ەكىنشى كۆاليفيكاتسيالىق راۋندىندا ونەر كورسەتكەنىنە 320 مىڭ ەۋرو جانە توپتىق كەزەڭگە شىعا الماعانىنى ءۇشىن 260 مىڭ ەۋرو العان.

ەۋروپا ليگاسى اياسىندا كلۋبتىڭ الىدە بولسا ءار جەڭىسى ءۇشىن 360 مىڭ ەۋرو، تەڭ ويناعانى ءۇشىن 120 مىڭ ەۋرو قارجى تابۋعا مۇمكىندىگى بار. ال ماۋسىم سوڭىندا ۋەفا «استانا» فۋتبول كلۋبىنا تەلەۆيزيالىق جانە ماركەتينگتىك جۇمىستاردان تۇسكەن قاراجاتتىڭ ءبىر بولىگىن بەرەتىن بولادى.

ەستەرىڭىزگە سالايىق، كەشە تامىزدىڭ 22 كۇنى «استانا» ءوز الاڭىنادا وتكەن قارىمتا ويىندا شوتلانديالىق «سەلتيك» فۋتبول كلۋبىن 4:3 ەسەبىمەن ۇتقان بولاتىن. بىراق بۇل جەڭىس استانالىقتاردىڭ چەمپيوندار ليگاسىنىڭ توپتىق كەزەڭىندە ويناۋىنا مۇمكىندىك بەرمەيدى. ويتكەنى ولار شوتلانديادا «سەلتيك» فك 0:5 ەسەبىمەن ەسە جىبەرگەن بولاتىن.

“The Qazaq Times”