Jo Bayden Glazgoda mälimdeme jasadı. Foto: AP

Klimat sammiti ayasında AQŞ prezidenti Jo Bayden birqatar naqtı şaralar qabıldauğa uäde etti. Sonday-aq, klimat mäselesiniñ asa mañızdı ekenin ayta otırıp, älemdik ortaq mäseleniñ talqısına qatıspağan Qıtay men Resey basşıların sınğa aldı.

Seysenbidegi mälimdemesinde prezident Bayden sammitke qatısqan özge eldermen 2030 jılğa deyin orman kesudi toqtatu jäne 200 million gektar ormandı, basqa da ekojüyelerdi qalpına keltiru turalı tarihi kelisimge qol qoyatının habarladı. Bayden sonımen qatar metan şığarındıların azaytu üşin AQŞ ükimetiniñ energetika, auıl şaruaşılığı, kölik, twrğın üy jäne işki ister departamentteriniñ ärtürli bölimderin biriktiru turalı josparın da jariya etti.

Ğalamdıq ortaq problemağa qatıstı bwl jinalıstıñ mañızın ayrıqşa atap ötken AQŞ prezidenti otırısqa qatıspağan qıtaylıq jäne reseylik äriptesterin sınğa aldı. «Meniñ oyımşa, bwl Qıtay üşin ülken qatelik. Şının aytqanda, älem Qıtayğa qarap «olar osınday halıqaralıq mäselede qanday qosımşa bastama köteredi» dep kütti. Qıtaydıñ bwl jerde bolmauı älemge äser etu joğalttı. Menşe bwl Reseyge de qatıstı», – dedi Bayden sözinde.

Resey prezidenti Vladimir Putin men Qıtay basşısı Şi Jinpiñ atalğan sammitke qatıspağanımen kelissözder üşin özderiniñ delegaciyaların Glazgoğa jibergen. Qıtay öndiris barısında kömir qışqıl tekti eñ köp şığaratın el sanaladı, ekinşi orında AQŞ, arı qaray EO, Ündistan, besinşi orında Resey twradı.

Şotlandiyanıñ Glazgo qalasında ötip jatqan sammit 14 qaraşağa deyin jalğasadı, oğan 120 memleket pen halıqaralıq wyım basşıları qatısıp jatır. Qıtay men Resey basşıları bolmasa da sammitte birqatar mañızdı kelisimder de jasaldı. Aytalıq, 2030 jılğa deyin metan gazınıñ bölinisin azaytu jäne osı jılğa deyin orman kesudi toqtatu sekildi şaralardı aytuğa boladı.

Resey prezidenti seysenbidegi virtualdı kezdesude Reseydiñ «orman kesudi baqılau boyınşa  qatañ şaralar köretinin» mälimdegen, sonday-aq, Resey de 2030 jılğa deyin orman kesudi toqtatu kelisimine qol qoyğan el qatarında bar.

The Qazaq Times