Foto: APF

Kabul Amerikanıñ Auğanstandağı jaña strategiyasın qoldaydı. Bwl turalı Auğanıstannıñ  AQŞ-tağı elşisi Hamdulla Mohib Äl-Jazira (Al-Jazeera) aqparattıq agenttigine bergen swhbatında habarladı.

"Biz bwl şeşimdi tolıqtay qoldaymız. Birneşe ayğa sozılğan talqılaulardıñ nätijesinde Auğanstannıñ qazirgi qajettilikteri men eskerilgen strategiyağa qol jetkizdik. AQŞ-tıñ bwl soğıstı jeñiske jetpeyinşe ayaqtamau qağidası Auğanstandağı jıldar boyı jalğasqan twraqsızdıqtıñ soñğı nüktesin qoyuğa jasalğan jaqsı mümkindik", - dedi Auğanıstannıñ AQŞ-tağı elşisi.

Hamdulla Mohib AQŞ-tı Päkistanğa qoyğan  terrorizmdi qoldaudı toqtatu turalı talabı da öte orındı dep sanaydı. "Qanşama jıldar boyı Päkistannan tasımaldanğan qaru-jaraq Auğanstan men onıñ seriktesterine qarsı jwmsalıp keldi. Endigi kezekte bwl oqiğağa köz jwmıp, keşiruge bolmaydı".

Diplomat sonday-aq AQŞ-tıñ Auğanstan biligine qoldau körsetudi jalğastıru jönindegi şeşimin öñirdegi beybitşilik pen qauipsizdikti saqtauğa degen wmtılıs dep qabıldaydı. "Donal'd Tramptıñ bwl qadamı äskeri emes, ekonomikalıq qiındıqtar men işki twraqsızdıqqa toqtau salatın sayasi şeşim", - dedi Hamdulla Mohib.

“The Qazaq Times”