فوتو: APF

كابۋل امەريكانىڭ اۋعانستانداعى جاڭا ستراتەگياسىن قولدايدى. بۇل تۋرالى اۋعانىستاننىڭ  اقش-تاعى ەلشىسى حامدۋللا موحيب ءال-جازيرا (Al-Jazeera) اقپاراتتىق اگەنتتىگىنە بەرگەن سۇحباتىندا حابارلادى.

ء"بىز بۇل شەشىمدى تولىقتاي قولدايمىز. بىرنەشە ايعا سوزىلعان تالقىلاۋلاردىڭ ناتيجەسىندە اۋعانستاننىڭ قازىرگى قاجەتتىلىكتەرى مەن ەسكەرىلگەن ستراتەگياعا قول جەتكىزدىك. اقش-تىڭ بۇل سوعىستى جەڭىسكە جەتپەيىنشە اياقتاماۋ قاعيداسى اۋعانستانداعى جىلدار بويى جالعاسقان تۇراقسىزدىقتىڭ سوڭعى نۇكتەسىن قويۋعا جاسالعان جاقسى مۇمكىندىك", - دەدى اۋعانىستاننىڭ اقش-تاعى ەلشىسى.

حامدۋللا موحيب اقش-تى پاكىستانعا قويعان  تەرروريزمدى قولداۋدى توقتاتۋ تۋرالى تالابى دا وتە ورىندى دەپ سانايدى. "قانشاما جىلدار بويى پاكىستاننان تاسىمالدانعان قارۋ-جاراق اۋعانستان مەن ونىڭ سەرىكتەستەرىنە قارسى جۇمسالىپ كەلدى. ەندىگى كەزەكتە بۇل وقيعاعا كوز جۇمىپ، كەشىرۋگە بولمايدى".

ديپلومات سونداي-اق اقش-تىڭ اۋعانستان بيلىگىنە قولداۋ كورسەتۋدى جالعاستىرۋ جونىندەگى شەشىمىن وڭىردەگى بەيبىتشىلىك پەن قاۋىپسىزدىكتى ساقتاۋعا دەگەن ۇمتىلىس دەپ قابىلدايدى. "دونالد ترامپتىڭ بۇل قادامى اسكەري ەمەس، ەكونوميكالىق قيىندىقتار مەن ىشكى تۇراقسىزدىققا توقتاۋ سالاتىن ساياسي شەشىم", - دەدى حامدۋللا موحيب.

“The Qazaq Times”