QR Energetika ministri Qanat Bozımbaev. Foto: energo.gov.kz

Kelesi jıldan bastap Qazaqstan aqşıl mwnay önimderin eksporttauğa qatıstı salınğan tıyımdı keri şegerui mümkin. Bwl turalı QR Energetika ministri Qanat Bozımbaev Ükimettegi baspasöz konferenciyasında  mälimdedi.

Onıñ sözinşe, qazirgi kezde Qazaqstan men Resey arasında  atalğan mwnay önimderin eksporttauğa bolmaytın kelisim bar.

"Qazaqstan men Resey  arasında aqşıl mwnay önimderine qatıstı kelisim bar. Qwjat boyınşa biz onı sırtqa şığara alamaymız. Öytkeni biz Reseyden benzin men dizel'dik otındı baj salığınsız satıp alıp otırmız. Bizdiñ mwnay öñdeu zauıttarımız iske qosılğannan keyin, bwl kelisimdi qayta qaraymız", - dedi ministr.

Sonday-aq, ol aqşıl mwnay önimderi  Orta Aziya men Auğanstan memleketterine eksporttaluı tiis ekenin atap ötti. Käsiporındardıñ byudjetine tüsken qarajat esebinen modernizaciyağa jwmsalğan qarızdar öteledi.

Ayta keteyik, Qazaqstanda aqşıl mwnay önimderiniñ türlerin 2019 jıldıñ 1 qañtarına deyin eksporttauğa tıyım salınğan.

YAğni biz Resey narığına bağınıştı bolğandıqtan işki narıqtağı benzin jäne dizel' otınına degen swranıstı qanağattandıra almaymız degen söz.

“The Qazaq Times”