Foto: InoSMI

AQŞ Prezidenti Donal'd Tramp Amerikanıñ Auğanstandağı sayasatına qatıstı şeşimin jariyaladı. Onıñ pikirinşe, AQŞ äskeriniñ 16 jıldan keyin Auğanstan jerinen ketui qazirgi şielenisip otırğan jağdaydı odan äri qiındatuı mümkin. Sondıqtan Amerika Auğanstanda qalıp, soğıstı äri qaray jeñiske deyin jalğastıradı. 

"Amerikalıqtar wzaq soğıstağı jeñilisten şarşadı", - dep mälimdedi Donal'd Tramp. Soğan qarağanda, Aq üydiñ jaña basşısı özine deyingi bilik ayaqtay almağan soğıstıñ soñğı nüktesin jeñimpaz esebinde qoyıp, tarihta qalğısı keletin siyaqtı.

Osığan deyin Pentagonnıñ Auğanıstanğa tağı da 4 mıñğa juıq amerikalıq äskerilerdi jiberu turalı wsınısın qwptaytının ne keri qaytaratının aytpadı.  "Biz aldağı josparlarımız ben äsker sanın jariyalamaymız", - dedi memleket basşısı.

Al-Jazeera aqparattıq agenttiginiñ AQŞ-tağı tilşisi Patti Kulhane "Amerikalıqtar Auğanıstanda ömirin qauip-qaterge tigip jürgen jerlesteriniñ naqtı sanın biluge qwqılı", - degen pikir bildirdi.

Al-Jazeera aqparattıq agenttiginiñ wsınğan derekteri boyınşa, qazir Auğanıstanda 8 mıñ 400 amerikalıq äskeri bar. 2010-2011 jıldarı Barak Obamanı twsında olardıñ sanı 100 mıñnan asıp jığılğan.

“The Qazaq Times”