اقش اۋعانستانداعى سوعىستى جالعاستىراتىن بولدى

اقش پرەزيدەنتى دونالد ترامپ امەريكانىڭ اۋعانستانداعى ساياساتىنا قاتىستى شەشىمىن جاريالادى. ونىڭ پىكىرىنشە، اقش اسكەرىنىڭ 16 جىلدان كەيىن اۋعانستان جەرىنەن كەتۋى قازىرگى شيەلەنىسىپ وتىرعان جاعدايدى ودان ءارى قيىنداتۋى مۇمكىن. سوندىقتان امەريكا اۋعانستاندا قالىپ، سوعىستى ءارى قاراي جەڭىسكە دەيىن جالعاستىرادى. 

"امەريكالىقتار ۇزاق سوعىستاعى جەڭىلىستەن شارشادى", - دەپ مالىمدەدى دونالد ترامپ. سوعان قاراعاندا، اق ءۇيدىڭ جاڭا باسشىسى وزىنە دەيىنگى بيلىك اياقتاي الماعان سوعىستىڭ سوڭعى نۇكتەسىن جەڭىمپاز ەسەبىندە قويىپ، تاريحتا قالعىسى كەلەتىن سياقتى.

وسىعان دەيىن پەنتاگوننىڭ اۋعانىستانعا تاعى دا 4 مىڭعا جۋىق امەريكالىق اسكەريلەردى جىبەرۋ تۋرالى ۇسىنىسىن قۇپتايتىنىن نە كەرى قايتاراتىنىن ايتپادى.  "بىز الداعى جوسپارلارىمىز بەن اسكەر سانىن جاريالامايمىز", - دەدى مەملەكەت باسشىسى.

Al-Jazeera اقپاراتتىق اگەنتتىگىنىڭ اقش-تاعى ءتىلشىسى پاتتي كۋلحانە "امەريكالىقتار اۋعانىستاندا ءومىرىن قاۋىپ-قاتەرگە تىگىپ جۇرگەن جەرلەستەرىنىڭ ناقتى سانىن بىلۋگە قۇقىلى", - دەگەن پىكىر ءبىلدىردى.

Al-Jazeera اقپاراتتىق اگەنتتىگىنىڭ ۇسىنعان دەرەكتەرى بويىنشا، قازىر اۋعانىستاندا 8 مىڭ 400 امەريكالىق اسكەري بار. 2010-2011 جىلدارى باراك وبامانى تۇسىندا ولاردىڭ سانى 100 مىڭنان اسىپ جىعىلعان.

“The Qazaq Times”