Foto: bbc.com

«Januarlar qwqığın qorğauşı Peta, ekzotikalıq januarlardıñ terisinen jasalatın sömke jäne özge de tauarlardıñ öndirisin toqtatu üşin,  Louis Vuitton Moet Hennessey (LVMH) kompaniyasınıñ akciyaların satıp aldı» dep habarlaydı bbc.com.  

Bwl akciya böligi Peta-ğa akcionerler jinalısına qatısuğa jäne özge akcionerler aldında aşıq swraqtar qoyuğa mümkindik beredi. Alayda ol naqtı qanşa akciya satıp alğanın atap körsetken joq. Bwnday äreketter qwqıq qorğaytın toptar arasında keñ tarağan. Rasımen bügingi tañda, narıqta «qoltırauın terisinen» jasalğan tauarlar (sömke, ämiyan, t.b.) joğarı swranısqa ie äri bağası da qımbat. Sondıqtan da, Parijdegi (Euronext) LVMH-tiñ akciyaların satıp aludağı bastı maqsat: kompaniyadağı ekzotikalıq januarlardıñ terisinen jasalınatın tauar öndirisin tübegeyli toqtatuğa mümkindik alu.

Osı jağdaydan keyin LVMH direktorı Sil'vi Bernard Petağa jauap retinde bılay deydi: «Bizde seriktester arasında siz atap körsetkendey ädis-täsilderdi eşkim qoldanbaydı. Januarlardı öltiru nemese ziyan keltiru – bizdiñ işki zañımız ben jeke principterimızge säykes kelmeydi».  LVMH –elitalıq brendke aynalğan älemdegi eñ ülken kompaniya. Atalmış brendke Louis Vuitton sömkeleri, şampannıñ birneşe markaları, Hennessy kon'yagi, Fendi jäne Marc Jacobs sän üyleri kiredi. Sonday-aq, kompaniya iissu, opa-dalap jäne äşekey bwyımdarın narıqqa wsınadı.

«The Qazaq Times»