Foto: InoSMI

Venesuelanıñ Konstituciyalıq biligi jwma küni memleket basşısı Nikolas Maduronıñ qwzırettiligin arttıratın zañnamalıq özgeristerdi qabıldadı. Oppoziciya ökilderi atalğan özgeristerge tolıqtay qarsı şığıp, Nikolas Maduronıñ diktatura ornatuğa jaqındap qalğanın aytadı. Bwl turalı APF aqparattıq agenttigi jazdı. 

Venesuelanıñ halıqtıq köterilister men qarsılıqtarğa qaramastan saylanğan Qwrıltay jinalısı Nikolas Maduroğa beybitşilik, qauipsizdik, azamattardıñ qwqıqtarı, äleuemettik-ekonomikalıq, qarjı jüyesin retteu, memlekettik aktivter mäseleleri boyınşa zañnamalıq qwzırettilikti berudi birauızdan qoldap, dauıs berdi.

Bwl oqiğa Venesuelada säuir ayınan bastap jalğasıp kele jatqan sayasi dağdarıstıñ şarıqtau şegi bolıp, halıq arqılı saylanğan Wlttıq Assambleyanıñ qolındağı barlıq bilikti tartıp aldı.

Oppoziciya Konstituciyağa özgerister engizu maqsatında qwrıladı dep jariyalanğan  Qwrıltay jinalısınıñ barlıö bilikti qolına şoğırlandırıp otırğanın, osılay el Prezidenti halıqtı aldağanın aytadı.  Nikolas Maduronıñ otbası müşeleri men seriktesterinen jinalğan 545 adamnan twratın Qwrıltay jinalısına eldegi barlıq memlekettik organdar bağınatın boladı. Bwl turalı jwma küni zañğa engizilgen özgerister barısında habarlandı.

Qwrıltay jinalısı öz jwmısın bastağalı birinşi kezekte Nikolas Maduronıñ sayasatın qatañ sınağan Venesuelanıñ Bas Prokurorı Luiza Ortegonı qızmetinen bosattı. Luiza Ortego: "Meniñ qolımda Nikolas Maduro men onıñ sıbaylastarın tügel äşkereleytin däyekter bar. Onda memleket basşısınıñ Braziliyadağı Odebrecht qwrılıs kompaniyasındağı jemqorlıq dauına qatısı bar ekenin rastaytın ayğaqtar bar. Sondıqtan da olar meni qudalap otır", - dep mälimdedi.

Keşe kedendik policiya Luiza Ortegonıñ küyeuimen birge Kolumbiyada ekenin jetkizdi. Kolumbiya Maduro sayasatına qarsı bolıp otırğan memleketterdiñ biri. Bwrınğı Bas Prokurordıñ bwl elden sayasi baspana swraytını ne uaqıtşa ayaldap otırğanı äli belgisiz.

AQŞ Nikolas Maduroğa qarsı sankciyalar jariyalap, memleket basşısı avtoritarlıq diktaturağa wmtıludan bas tartpayınşa, Amerikanıñ ekonomikalıq jäne diplomatiyalıq küşterin tügel Venesuela halqınıñ demokratiya ornatu jolındağı küresine kömekke arnaytının habarladı.

Donal'd Tramptıñ qajet bolğan jağdayda Venesuelağa äskeri intervenciya jasaytını turalı mälimdemesiniñ saldarın joyuğa niettengen Mayk Pens Latın Amerikası elderine saparı barısında Karakasqa ekonomikalıq qısım arqılı da äser etuge bolatının ayttı.

“The Qazaq Times”