QR Prezidenti Nwrswltan Nazarbaev. 18 tamız, 2017 jıl. Foto: akorda.kz

Äkimder öñirlerdegi öz jwmıstarın qayta qarap, belsendi qimıldauğa tiis. QR Prezidenti Nwrswltan Nazarbaev damu bağdarlamalarınıñ iske asırıluı jäne öñirlerdiñ äleumettik-ekonomikalıq damu mäseleleri jöninde ötken keñeste osılay dedi. Bwl turalı Aqordanıñ baspasöz qızmeti habarladı. 

"Industriyalandıru ayasındağı bastı mäsele – investiciya tartu. Investorlar äli de äkimşilik kedergilerge tap boluda. Äkimder öñirlerdegi öz jwmıstarın qayta qarap, belsendi qimıldauğa tiis", – dedi Qazaqstan Prezidenti.

Sonday-aq prezident investorlar tartuda Jekeşelendiru josparın iske asırudıñ tiimdi ekenin aytıp, Qazaqstannıñ iri kompaniyaların memleketke meylinşe payda tüsirmeyinşe, akciyaların asığıstıqpen satpauğa şaqırdı.

Nwrswltan Nazarbaev jwmıspen qamtu bağdarlamasınıñ tiimdiligin arttıru qajettigine nazar audarıp, äkimderge öñirlerde twraqtı jwmıs orındarın aşu jönindegi jwmıstı jandandırudı tapsırdı.

Sonday-aq, Memleket basşısı biıl jappay käsipkerlikti damıtuğa 37 milliard teñge bölingenine qaramastan, şağın nesie beru jwmıstarınıñ bayau jürgizilip otırğanın atap ötti.

Qazaqstan Prezidenti Ükimet pen äkimderge ahualdı tereñ zerttep, agroholdingterdiñ qarızına baylanıstı mäselelerdi şeşu jöninde naqtı şaralar keşenin äzirleudi tapsırdı.

Ayta keteyik, qazirgi uaqıtta agroholdingter memleket byudjetinen bölinetin subsidiyalardı orınsız jwmsap otır. Jıl sayın igerilmey qalatın qarjı qanşama. Al Prezident olarğa qarajattı tiimdi jwmsaudı eskertudiñ ornına, olardıñ qarızına qatıstı mäselelerin şeşudi wsınıp otır. Al bwdan agroholdingter memleket qarjısına odan sayın masıl bola tüsetini belgili.

“The Qazaq Times”