Masa bezgek auıruın taratuşı. Foto: Mosquito.

Osı aptadağı jeksenbi küni älem boyınşa «Masa küni» dep jariyalanğan. Düniejüzilik densaulıq saqtau wyımınıñ mälimetteri boyınşa, bwl ataulı künniñ qalıptasuı 1897 jılı bezgektiñ taraluındağı jändikterdiñ rölin eske tüsiru üşin qoyılğan eken. Bwl turalı «The New York Times» basılımınıñ tañğı jañalıqtar böliminde jazdı.

Bwl auırudan adamzat wzaq uaqıt azap şegip kelgen. Düniejüzilik densaulıq saqtau wyımınıñ derekteri boyınşa bezgek auıruınan qaza tapqandar sanı 2000-2015 jıl aralığında şamamen 42,9 million adamğa jetken. Keyin, Nobel' sıylığın alğan Ronald Ross masanıñ bezgek auıruınıñ taraluındağı bastı tasımaldauşı ekenin anıqtap, dereu şara qoldanudı talap etken.

Aurudıñ taraluın boldırmau üşin eñ tiimdi ädisi bolsa, üyde jäne dalada masanıñ şağuınan qorğanu – iisti maylar, tor japqıştar, perdeler, masa därisi tağı basqa. Aurulardı baqılau jäne aldın alu ortalığınıñ mälimetine qarağanda, 2008-2010 jıldardıñ özinde,  Saharanıñ oñtüstigindegi Afrikağa şamamen 294 million masağa qarsı betperde taratılğan eken. Mamandar immunoterapiya men jabıq bürkenşiktiñ tiimdi rölin köbirek nasihattaydı.

Ğalımdar masanıñ özge januarlardan göri adam qanın köbirek wnatatının, tipti negizgi azığı etetini däleldegen. Öytkeni jändikter metabolizmniñ joğarı körsetkişterimen adamdarğa köbirek janasadı. Deneniñ joğarı temperaturası, deneniñ terleui, mine, bwlar masalardı özine tartatın faktorlarğa jatadı. Sondıqtan DDSW adamdarğa, masalardan jäne basqa da jändikter taratatın jwqpalı auırulardan köbirek qorğanudı eskertedi.

“The Qazaq Times”