Elektrondı dombıranı App Store-dan jükteuge boladı.

Oñtüstik qazaqstandıq önertapqış dombıranıñ elektrondı nwsqasın oylap tauıp, qoldanısqa engizdi, dep habarlaydı OQO baspasöz qızmeti. 

«Apple» kompaniyası maqwldağan bwl bağdarlamanıñ avtorı – oñtüstik qazaqstandıq  İT maman  Nwrlan Qambar. Önertapqış jigit atalğan bağdarlamanı juırda ğana AQŞ-tağı  «Apple» kompaniyasına maqwldatıp, avtorlıq qwqıq iesi atanğan. Osılayşa endi dombıranı wyalı telefonda tartıp, än şırqauğa boladı. Eger üyrenu qajet bolsa, tegin  jükteuge de mümkindik bar.

Elektrondı nwsqa äzirge tek Apple önimin qoldanuşılar üşin ğana qoljetimdi jäne atalğan bağdarlamanı mına siltemeden tegin jüktep aluğa boladı. 

Önertapqış Nwrlan Bauırjanwlı Almatıdağı Süleymen Demirel atındağı Universitettiñ aqparattıq jüyeler mamandığınıñ  2-kursında oqidı.  Jastayınan oquda ozat bolıp,  zeyini zerek ösken Nwrlannıñ aldağı armanı -  ataqtı İT maman atanu.

Dombıranıñ elektrondı nwsqasın oylap tapqan 20 jasar jigitke bwl ideya  Astanadağı EXPO körmesine barğanda kelipti. Nwrlannıñ bwl  ideyasın iske asıruğa  «qazaqstandıq Stiv Djobs» atanıp ketken Arman Süleymenov aqıl-keñes beripti.

“The Qazaq Times”