Foto: TTS

Europalıq investiciyalıq bank Qazaqstannıñ klimattıñ özgeruine auıl şaruaşılığın beyimdeuge arnalğan jobalar üşin «QazAgro» holdingine 100 million euro böledi. Bwl turalı holdingtiñ basqarma törağasınıñ orınbasarı Gülnaz Atamqwlovağa silteme jasap,  LS habarlaydı.  

"Qazirgi uaqıtta Euraziyalıq investiciyadıq bankpen 10 jıl merzimge 100 mln euro qarız alu kelissözin jürgizip jatırmız. Bwl qarajat klimattıñ özgeruine baylanıstı auıl şaruaşılığın beyimdeuge jäne agrarlıq sektorda onıñ saldarın jeñildetuge, sonday-aq, auıldıq şağın jäne orta käsiporındardıñ damuına järdemdesuge, jeke käsipkerlik sub'ektileriniñ şağın jäne orta biznes jobaların iske asıruğa bağıttaladı", - dep tüsindirdi Atamqwlova.

Onıñ sözinşe, negizgi operator "Agrarlıq kredit korporaciyası" boladı. Qarız alu boyınşa kelisimge qol qoyu 25 tamız küni  Astanada ötetin AgroInvest Forum 2017 attı agroöndiristik investiciyalıq forum kezinde jüzege asuı mümkin.

Bwdan bölek, ol tikeley investiciya tartu boyınşa Qazaqstan-Vengriya qorı Aqtöbe oblısındağı jılıjay keşeni jobasın qarjılandıruda bastaydtının atap ötti. Bwl joba boyınşa da kelisimge forum kezinde qol qoyıladı.

Ayta keteyik, qor 2015 jılı Qazaqstannıñ agroöndiris salasın qarjılandıru maqstatında qwrılğan. Qordıñ alğaşqı qarjı kölemi 40 mln dollar bolğan. Osı wyım arqılı jeke agrarlıq kompaniyalar özderiniñ qızmetin damıtu üşin investiciya tartuğa mümkindik aladı dep josparlanğan.

Osı jıldıñ 25 tamızında Astanada  AgroInvest Forum 2017 attı agroöndiristik investiciyalıq forum ötedi. İs-şarada Qazaqstan, Qıtay, Iran, BAÄ, Vengriya, Pol'şa, Resey, Ispaniya, Türkiya sındı elderden 100-den asa qatısuşı boladı.

“The Qazaq Times”