فوتو: تتس

ەۋروپالىق ينۆەستيتسيالىق بانك قازاقستاننىڭ كليماتتىڭ وزگەرۋىنە اۋىل شارۋاشىلىعىن بەيىمدەۋگە ارنالعان جوبالار ءۇشىن «قازاگرو» حولدينگىنە 100 ميلليون ەۋرو بولەدى. بۇل تۋرالى حولدينگتىڭ باسقارما توراعاسىنىڭ ورىنباسارى گۇلناز اتامقۇلوۆاعا سىلتەمە جاساپ،  LS حابارلايدى.  

"قازىرگى ۋاقىتتا ەۋرازيالىق ينۆەستيتسيادىق بانكپەن 10 جىل مەرزىمگە 100 ملن ەۋرو قارىز الۋ كەلىسسوزىن جۇرگىزىپ جاتىرمىز. بۇل قاراجات كليماتتىڭ وزگەرۋىنە بايلانىستى اۋىل شارۋاشىلىعىن بەيىمدەۋگە جانە اگرارلىق سەكتوردا ونىڭ سالدارىن جەڭىلدەتۋگە، سونداي-اق، اۋىلدىق شاعىن جانە ورتا كاسىپورىنداردىڭ دامۋىنا جاردەمدەسۋگە، جەكە كاسىپكەرلىك سۋبەكتىلەرىنىڭ شاعىن جانە ورتا بيزنەس جوبالارىن ىسكە اسىرۋعا باعىتتالادى", - دەپ ءتۇسىندىردى اتامقۇلوۆا.

ونىڭ سوزىنشە، نەگىزگى وپەراتور "اگرارلىق كرەديت كورپوراتسياسى" بولادى. قارىز الۋ بويىنشا كەلىسىمگە قول قويۋ 25 تامىز كۇنى  استانادا وتەتىن AgroInvest Forum 2017 اتتى اگرووندىرىستىك ينۆەستيتسيالىق فورۋم كەزىندە جۇزەگە اسۋى مۇمكىن.

بۇدان بولەك، ول تىكەلەي ينۆەستيتسيا تارتۋ بويىنشا قازاقستان-ۆەنگريا قورى اقتوبە وبلىسىنداعى جىلىجاي كەشەنى جوباسىن قارجىلاندىرۋدا باستايدتىنىن اتاپ ءوتتى. بۇل جوبا بويىنشا دا كەلىسىمگە فورۋم كەزىندە قول قويىلادى.

ايتا كەتەيىك، قور 2015 جىلى قازاقستاننىڭ اگرووندىرىس سالاسىن قارجىلاندىرۋ ماقستاتىندا قۇرىلعان. قوردىڭ العاشقى قارجى كولەمى 40 ملن دوللار بولعان. وسى ۇيىم ارقىلى جەكە اگرارلىق كومپانيالار وزدەرىنىڭ قىزمەتىن دامىتۋ ءۇشىن ينۆەستيتسيا تارتۋعا مۇمكىندىك الادى دەپ جوسپارلانعان.

وسى جىلدىڭ 25 تامىزىندا استانادا  AgroInvest Forum 2017 اتتى اگرووندىرىستىك ينۆەستيتسيالىق فورۋم وتەدى. ءىس-شارادا قازاقستان، قىتاي، يران، ءباا، ۆەنگريا، پولشا، رەسەي، يسپانيا، تۇركيا سىندى ەلدەردەن 100-دەن اسا قاتىسۋشى بولادى.

“The Qazaq Times”