Foto: avtordan

Qazaqstan Respublikası Wlttıq wlanı «Oñtüstik» öñirlik qolbasşılığına qarastı äskeri bölimderde memlekettik tildi oqıtu boyınşa jaña oqu jılınıñ bastaluı saltanattı türde aşıldı. Sonıñ biri – Almatı qalasında ornalasqan 7552 äskeri böliminde ötken şara. Osı şara barısında Almatı qalasında memlekettik tildi är türli mekeme qızmetkerlerine oqıtu, nasihattau, qızmet ayasın keñeytu maqsatında jürgizilip jatqan jwmıstarmen tanıstırıldı, jeke qwramğa qazaq tilinen ponoramalıq sabaqtar ötkizildi, til mamandarı arasında is-täjiribemen bölisu seminarı ötti.

Atalğan jiınğa Wlttıq wlannıñ Almatı garnizonında ornalasqan äskeri bölimderiniñ til mamandarımen qatar Almatı qalasınıñ  Tilderdi damıtu, mwrağattar jäne qwjattama basqarmasınıñ jauaptı qızmetkeri Şaymerdenov Nwrmwqa Rıspaywlı, «Wlağat» halıqaralıq innovaciyalıq bilim beru ortalığı memlekettik tildi damıtu böliminiñ bastığı Mırjıqbaeva Anar Beysenqızı, wlttıq auditoriyada qazaq tilinen däris beretin wstazdar arasında ötken qalalıq bayqauda «Üzdik qazaq tiliniñ mwğalimi» atağınıñ iegeri atanğan, oqıtu orıs tilinde jürgiziletin mekteptiñ qazaq tili men ädebiet päni mwğalimi Qasımjanova Zamira Asqarqızı qatısıp, öz is-täjiribelerimen bölisti.

Qazaq tiliniñ qoğamdıq qarım-qatınastağı mañızı kün sanap artıp keledi. Qazaqstan Respublikasınıñ Konstituciyası, «Qazaqstan Respublikasındağı Tilder turalı» Zañ talaptarına say qazaq tili memlekettik til retinde barlıq memlekettik mekemelerdiñ, oqu-tärbie orındarınıñ jwmısında birkelki qoldanıladı. Äleumettik zertteu nätijeleri de soñğı jıldarı qazaq tiline degen swranıstıñ artıp kele jatqanın añğartadı. Soğan qaramastan qoğamdıq qarım-qatınastağı, memlekettik mekemelerdegi qazaq tiliniñ qoldanıs ayasın keñeytu mäselesi kün tärtibinen tüspek emes.

Öz qarım-qabiletin tanıtıp, lauazımdı qızmet atqarudan ümitti kez kelgen jan öz maqsatına jetu jolındağı alğaşqı qadamın qazaq tilin tolıq meñerip aludan bastağanı abzal.

Osı orayda, Qazaqstan Respublikasınıñ Wlttıq wlanında memlekettik tildi oqıtu, qızmette qoldanıluın damıtu jwmıstarı, türli nasihattıq sipatta wyımdastırılğan is-şaraları jaña qarqın ala tüskendigin atap ketu kerek!

Qazaqstan Respublikası Wlttıq wlanı «Oñtüstik» öñirlik qolbasşılığı Tärbie jäne äleumettik jwmıstar basqarmasınıñ memlekettik tildi engizu jönindegi oficeri Danara Baymağanbetova

"The Qazaq Times"