فوتو: اۆتوردان

قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنا قاراستى اسكەري بولىمدەردە مەملەكەتتىك ءتىلدى وقىتۋ بويىنشا جاڭا وقۋ جىلىنىڭ باستالۋى سالتاناتتى تۇردە اشىلدى. سونىڭ ءبىرى – الماتى قالاسىندا ورنالاسقان 7552 اسكەري بولىمىندە وتكەن شارا. وسى شارا بارىسىندا الماتى قالاسىندا مەملەكەتتىك ءتىلدى ءار ءتۇرلى مەكەمە قىزمەتكەرلەرىنە وقىتۋ، ناسيحاتتاۋ، قىزمەت اياسىن كەڭەيتۋ ماقساتىندا جۇرگىزىلىپ جاتقان جۇمىستارمەن تانىستىرىلدى، جەكە قۇرامعا قازاق تىلىنەن پونورامالىق ساباقتار وتكىزىلدى، ءتىل ماماندارى اراسىندا ءىس-تاجىريبەمەن ءبولىسۋ سەمينارى ءوتتى.

اتالعان جيىنعا ۇلتتىق ۇلاننىڭ الماتى گارنيزونىندا ورنالاسقان اسكەري بولىمدەرىنىڭ ءتىل ماماندارىمەن قاتار الماتى قالاسىنىڭ  تىلدەردى دامىتۋ، مۇراعاتتار جانە قۇجاتتاما باسقارماسىنىڭ جاۋاپتى قىزمەتكەرى شايمەردەنوۆ نۇرمۇقا رىسپايۇلى، «ۇلاعات» حالىقارالىق يننوۆاتسيالىق ءبىلىم بەرۋ ورتالىعى مەملەكەتتىك ءتىلدى دامىتۋ ءبولىمىنىڭ باستىعى مىرجىقباەۆا انار بەيسەنقىزى، ۇلتتىق اۋديتوريادا قازاق تىلىنەن ءدارىس بەرەتىن ۇستازدار اراسىندا وتكەن قالالىق بايقاۋدا «ۇزدىك قازاق ءتىلىنىڭ مۇعالىمى» اتاعىنىڭ يەگەرى اتانعان، وقىتۋ ورىس تىلىندە جۇرگىزىلەتىن مەكتەپتىڭ قازاق ءتىلى مەن ادەبيەت ءپانى مۇعالىمى قاسىمجانوۆا زاميرا اسقارقىزى قاتىسىپ، ءوز ءىس-تاجىريبەلەرىمەن ءبولىستى.

قازاق ءتىلىنىڭ قوعامدىق قارىم-قاتىناستاعى ماڭىزى كۇن ساناپ ارتىپ كەلەدى. قازاقستان رەسپۋبليكاسىنىڭ كونستيتۋتسياسى، «قازاقستان رەسپۋبليكاسىنداعى تىلدەر تۋرالى» زاڭ تالاپتارىنا ساي قازاق ءتىلى مەملەكەتتىك ءتىل رەتىندە بارلىق مەملەكەتتىك مەكەمەلەردىڭ، وقۋ-تاربيە ورىندارىنىڭ جۇمىسىندا بىركەلكى قولدانىلادى. الەۋمەتتىك زەرتتەۋ ناتيجەلەرى دە سوڭعى جىلدارى قازاق تىلىنە دەگەن سۇرانىستىڭ ارتىپ كەلە جاتقانىن اڭعارتادى. سوعان قاراماستان قوعامدىق قارىم-قاتىناستاعى، مەملەكەتتىك مەكەمەلەردەگى قازاق ءتىلىنىڭ قولدانىس اياسىن كەڭەيتۋ ماسەلەسى كۇن تارتىبىنەن تۇسپەك ەمەس.

ءوز قارىم-قابىلەتىن تانىتىپ، لاۋازىمدى قىزمەت اتقارۋدان ءۇمىتتى كەز كەلگەن جان ءوز ماقساتىنا جەتۋ جولىنداعى العاشقى قادامىن قازاق ءتىلىن تولىق مەڭەرىپ الۋدان باستاعانى ابزال.

وسى ورايدا، قازاقستان رەسپۋبليكاسىنىڭ ۇلتتىق ۇلانىندا مەملەكەتتىك ءتىلدى وقىتۋ، قىزمەتتە قولدانىلۋىن دامىتۋ جۇمىستارى، ءتۇرلى ناسيحاتتىق سيپاتتا ۇيىمداستىرىلعان ءىس-شارالارى جاڭا قارقىن الا تۇسكەندىگىن اتاپ كەتۋ كەرەك!

قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعى تاربيە جانە الەۋمەتتىك جۇمىستار باسقارماسىنىڭ مەملەكەتتىك ءتىلدى ەنگىزۋ جونىندەگى وفيتسەرى دانارا بايماعانبەتوۆا

"The Qazaq Times"