Foto: Reuters

Taliban qozğalısı AQŞ prezidenti Donal'd Trampqa Auğanstannan Pentagon äskerin şığarudı talap etip aşıq hat joldadı, dep habarlaydı Reuters aqparat agenttigi.

Donal'd Trampqa joldanğan aşıq hatta Taliban qozğalısınıñ ökilderi: «Sizder Auğanstandağı soğıstı eñ ozıq tehnologiyalarmen jabdıqtalğan birikken AQŞ jäne NATO äskerimen jeñe almadıñızdar. Endi onı jaldamalı sodırlar men atı şulı äskeri firmalar arqılı jeñuleriñiz eki talay. Auğan dağdarısı tek AQŞ bastağan äskeriler elden şığarılğanda ğana şeşimin tabadı. Auğanstan soğısı siz oylağannan äldeqayda kürdeli. Sol sebepti siz AQŞ-tıñ prezidenti  retinde qandayda bir şeşim qabıldamas bwrın dwrıstap oylanğanıñız abzal» - degen.

Esteriñizge salayıq, bwğan deyin AQŞ Auğanstan dağdarısı boyınşa jaña jospar qwrıp jatqanın aytıp, aldağı uaqıtta öz baqılauındağı aumaqtardı jeke äskeri kompaniyalardıñ qaramağına bölip berui mümkin ekenin mälimdegen bolatın.

“The Qazaq Times”