Özbekstannıñ Ortalıq banki 22 tamızdan bastap nominalı 50 000 sum bolatın kupyuranı aynalımğa engizedi. Bwl turalı Ortalıq banktiñ saytında habarlanğan.

Banknotanıñ sol jağında ornalasqan aq betinde eni 4 mm-di qwraytın terezege wqsas qorğanış sızığı jäne «3D» efefektisi ornalasqan.

Banknotanıñ bet jağınıñ ortasında Täuelsizdik alañında ornalasqan «Ezgulik» qaqpasında wşıp jürgen läylekter beynelengen.

Al tömengi böliginde 50 000 nominalı beynelengen jäne ol banknotanı qarauğa baylanıstı sarğış tüsten jasıl tüske auısadı. Banknotanıñ däl ortasında «Anjumanlar saroyi» (Forum sarayı) ornalasqan.

Ayta keteyik, Özbekstan osı jıldıñ naurız ayında nominalı 10 000 sum banknotanı aynalımğa şığarğan.

Eske salayıq, Qazaqstanda 2016 jıldıñ 1 jeltoqsanında eñ joğarğı nominal 20 000 teñge aynalımğa şıqqan bolatın. Al bwl degenimiz eldegi qarjı narığındağı ahualdıñ naşar ekenin, basqa elderdiñ valyuta narığına täueldi ekenin körsetedi.

“The Qazaq Times”