وزبەكستاننىڭ ورتالىق بانكى 22 تامىزدان باستاپ نومينالى 50 000 سۋم بولاتىن كۋپيۋرانى اينالىمعا ەنگىزەدى. بۇل تۋرالى ورتالىق بانكتىڭ سايتىندا حابارلانعان.

بانكنوتانىڭ سول جاعىندا ورنالاسقان اق بەتىندە ەنى 4 مم-ءدى قۇرايتىن تەرەزەگە ۇقساس قورعانىش سىزىعى جانە «3D» ەفەفەكتىسى ورنالاسقان.

بانكنوتانىڭ بەت جاعىنىڭ ورتاسىندا تاۋەلسىزدىك الاڭىندا ورنالاسقان «ەزگۋليك» قاقپاسىندا ۇشىپ جۇرگەن لايلەكتەر بەينەلەنگەن.

ال تومەنگى بولىگىندە 50 000 نومينالى بەينەلەنگەن جانە ول بانكنوتانى قاراۋعا بايلانىستى سارعىش تۇستەن جاسىل تۇسكە اۋىسادى. بانكنوتانىڭ ءدال ورتاسىندا «انجۋمانلار ساروي» (فورۋم سارايى) ورنالاسقان.

ايتا كەتەيىك، وزبەكستان وسى جىلدىڭ ناۋرىز ايىندا نومينالى 10 000 سۋم بانكنوتانى اينالىمعا شىعارعان.

ەسكە سالايىق، قازاقستاندا 2016 جىلدىڭ 1 جەلتوقسانىندا ەڭ جوعارعى نومينال 20 000 تەڭگە اينالىمعا شىققان بولاتىن. ال بۇل دەگەنىمىز ەلدەگى قارجى نارىعىنداعى احۋالدىڭ ناشار ەكەنىن، باسقا ەلدەردىڭ ۆاليۋتا نارىعىنا تاۋەلدى ەكەنىن كورسەتەدى.

“The Qazaq Times”