Foto: APF

Keniyada ötken Prezidenttik saylaudıñ qorıtındısına narazı Raila Odinga bastağan oppoziciyanı qoldağan halıq pen qauipsizdik qızmeti arasında bolğan qaqtığıstar nätijesinde 16 adam qaza taptı. Bwl turalı APF aqparattıq agenttigi jazdı. 

El astanası Nayrobide 3 mln-ğa juıq halıq twratınına qaramastan, qala köşeleri bosap qaldı dep habarlaydı aqparattıq agenttik tilşileri. Ötken aptada bolğan saylaudan keyin, el biligi jergilikti halıqtı qalıptı tirşilikke oraluğa şaqırğanımen, Raila Odinga öz qoldauşılarına joldağan ündeuinde: "Biz äli ayaqtağan joqpız. Eşteñege qaramastan, biz berilmeymiz! Kelesi qadamımız qalay bolatındığı turalı meniñ habarımdı kütiñizder", - dey kele, halıqtı policiya qolınan jan tapsırğan 16 beybit twrğınnıñ qazasına aza twtıp, üyde otıruğa, düysenbi küni jwmısqa şıqpauğa şaqırdı.

Esteriñizge sala keteyik, jwma küni Ortalıq saylau kommissiyası Uhuru Keniatanı Keniya Prezidenti dep jaiyalağannan keyin, onıñ qarsılası, memleket basşılığına ümitker bolğan Raila Odinga "dauıs beruşilerdi tirkeytin elektrondı jüyege hakerlik şabuıl jasalıp, nätije özgertilgen" dep narazılıq bildirip, öz qoldauşılarımen birge şeruler wyımdastırdı.

BWW, Euroodaq Raila Odinganı beybit twrğındardıñ ömirine qauip töndirmes üşin, olardı sabırğa şaqırıp, öz qwqıqtarın qorğauda zañdı joldardı paydalanuğa keñes berdi. 2013 jılı saylau qorıtındıların moyındamay, sotqa jügingen Raila Odinga jeñilis tapqan bolatın. Sondıqtan osı jolı ol zañğa negizdelgen şeşu joldarın qarastırıp otırğan joq.

Raila Odinganıñ ekonomikalıq ösim men memlekettiñ güldenuine äkeletin reformalar turalı bağdarlamasına arqa süyep, senim artatındar - negizinen, halıqtıñ eñ kedey böligi.

Keniyadağı saylaudan keyingi köterilister men qaqtığıstar birinşi ret bolıp otırğan joq. 2007 jılı Mvai Kivaki men Raila Odinga arasındağı sayasi tartıstıñ soñı 1 100 adamnıñ ölimine äkelip,  600 mıñ adamnıñ twrğılıqtı meken-jayın auıstıruına mäjbür etken qayğılı jağdayğa wlasqan bolatın.

“The Qazaq Times”