Policiya Qazaqstan men Qırğızstan şekarasında oqqa wşqan adamnıñ tuıstarın tergeuge aldı, dep mälimdedi Jambıl oblısı işki ister departamentiniñ baspasöz qızmeti.

Jambıl oblısınıñ işki ister departamentiniñ mälimetinşe, oqiğa bolğan küni şekara küzetine eki sarbaz qızmetke tüsken. Olardıñ biri şekaradağı qauipsizdik bar'erin 15-20 adam bwzıp jatqanın bayqağan. Sol twsta äskeriler şekara bwzuşılarğa eskertu jasap äuege oq atqan. Biraq, olar bwl eskertuge bağınbay sarbazdarğa qarata tas laqtırıp, saldarınan bir şekaraşı basınan jaraqat alğan. Osıdan keyin ekinşi sarbaz şekara bwzuşılarğa qarata eki ret oq atqan. Bir oq şekara bwzuşılardıñ biri, 1987 jılı düniege kelgen Jasörken aulınıñ twrğınınıñ basına tiip, ol oqiğa orınında köz jwmğan. Osıdan keyin şekara bwzuşılar Jasörken auılınıñ işine kirip, köz jwmğan adamdı üyine tastap, izderin jasırğan.

Qazirgi tañda memlekettik şekaranı zañsız bwzu oqiğasına baylanıstı Qazaqstan Respublikasınıñ Qılmıstıq Kodeksiniñ 380 babınıñ 1 tamağı boyınşa qılmıstıq is qozğalğan.

Esteriñizge salayıq, tamızdıñ 12-si küni tünde Jambıl oblısına qarastı Jasörken şekara beketinde belgisiz 15 adam Qazaqstan – Qırğızstan şekarasın zañsız bwzıp ötpek boldı degen aqparat tarağan bolatın.

“The Qazaq Times”