پوليتسيا قازاقستان مەن قىرعىزستان شەكاراسىندا وققا ۇشقان ادامنىڭ تۋىستارىن تەرگەۋگە الدى، دەپ مالىمدەدى جامبىل وبلىسى ىشكى ىستەر دەپارتامەنتىنىڭ ءباسپاسوز قىزمەتى.

جامبىل وبلىسىنىڭ ىشكى ىستەر دەپارتامەنتىنىڭ مالىمەتىنشە، وقيعا بولعان كۇنى شەكارا كۇزەتىنە ەكى سارباز قىزمەتكە تۇسكەن. ولاردىڭ ءبىرى شەكاراداعى قاۋىپسىزدىك بارەرىن 15-20 ادام بۇزىپ جاتقانىن بايقاعان. سول تۇستا اسكەريلەر شەكارا بۇزۋشىلارعا ەسكەرتۋ جاساپ اۋەگە وق اتقان. بىراق، ولار بۇل ەسكەرتۋگە باعىنباي ساربازدارعا قاراتا تاس لاقتىرىپ، سالدارىنان ءبىر شەكاراشى باسىنان جاراقات العان. وسىدان كەيىن ەكىنشى سارباز شەكارا بۇزۋشىلارعا قاراتا ەكى رەت وق اتقان. ءبىر وق شەكارا بۇزۋشىلاردىڭ ءبىرى، 1987 جىلى دۇنيەگە كەلگەن جاسوركەن اۋلىنىڭ تۇرعىنىنىڭ باسىنا ءتيىپ، ول وقيعا ورىنىندا كوز جۇمعان. وسىدان كەيىن شەكارا بۇزۋشىلار جاسوركەن اۋىلىنىڭ ىشىنە كىرىپ، كوز جۇمعان ادامدى ۇيىنە تاستاپ، ىزدەرىن جاسىرعان.

قازىرگى تاڭدا مەملەكەتتىك شەكارانى زاڭسىز بۇزۋ وقيعاسىنا بايلانىستى قازاقستان رەسپۋبليكاسىنىڭ قىلمىستىق كودەكسىنىڭ 380 بابىنىڭ 1 تاماعى بويىنشا قىلمىستىق ءىس قوزعالعان.

ەستەرىڭىزگە سالايىق، تامىزدىڭ 12-ءسى كۇنى تۇندە جامبىل وبلىسىنا قاراستى جاسوركەن شەكارا بەكەتىندە بەلگىسىز 15 ادام قازاقستان – قىرعىزستان شەكاراسىن زاڭسىز بۇزىپ وتپەك بولدى دەگەن اقپارات تاراعان بولاتىن.

“The Qazaq Times”