Foto: vschicagomagazine.com

Steyk, gamburger jäne özge de batıs ashanasındağı tağamdarmen jii tamaqtanatın adam semizdikke wrınatını belgili. Onıñ sebebin «Physiology & Behavior» jurnalı bılay dep tüsindirdi: «Midıñ receptorlarına esirtki qalay äser etse, batıs ashanası tağamdarınıñ  dene  energetikalıq balansına da sonday äseri bar».

Sonday-aq, «Bizdiñ zertteu jwmıstarımızdıñ nätijesinde,  mölşerinen köp tamaqtanu men semizdikti emdeude eñ qauipsiz täsil retinde periferiyalıq jüyke jüyesindegi kannabioida receptorlar jwmısın toqtatudı wsınamız. Semizdikke qarsı türli däri-därmekke qarağanda, miğa janama  äser etetin osı täsilimiz äldeqayda artıq dep esepteymin», – dep habarlaydı  Riversaydağı (AQŞ) Kaliforniya universitetiniñ mamanı  Nikolas di Patricio (Nicholas DiPatricio).

Di Patricio men äriptesi Donovan Argueta (Donovan Agrueta)  tışqandarğa täjiribe jasap kördi. Olar  2 ay boyı köp mölşerde maylı jäne qanttı tağamdardı jegen tışqandardıñ  qimılına, densaulığı men mi bwlşıq etterine nazar audardı.

Anıqtalğanday, bwnday dieta tışqandardı  jay  semizdikke ğana emes, «giperfagiya» atalatın tüsiniksiz qwbılıstıñ damığanın aytadı. YAğni, işek pen qandağı «endokannabinoidtar»  atalatın koncentraciya kürt ösken.

Endogendi kannabioid degenimiz – organizmniñ özi azdağan mölşerde  sintezdeytin,  qwramında esirtkisi bar zattardıñ analogi. Osı analogterge äser etetin köptegen jüyke jasuşaları men receptorlar keñirdekte ornalasqan.

Gamburgerler, steykter, özge de maylı jäne tätti batıstıq  tağamdar adam organizmine, köp mölşerde  endokannabioidtı  küştep endirtip, äser etedi.

Jaqın uaqıtta Di Patricio men Argueta joğarıda atalğan endokannabinoidterdiñ öndiriluine ne äser etip jatqandığın jäne bwl reakciyanı basqaruşı qanday gen ekendigin anıqtamaq.