Birıñğay jinaqtauşı zeynetaqı qorınıñ portfelindegi Äzerbayjan halıqaralıq bankiniñ problemalı obligaciyaların auıstıru 2017 jıldıñ qırküyek ayınıñ soñına qaray ayaqtalıp qaluı mümkin. Bwl turalı BJZQ basqarma törağası Nwrbübi Naurızbaeva mälimdedi.

Almatıda ötken baspasöz konferenciyasında ol Wlttıq bank ükimetpen birge ÄHB-nıñ 250 mln dollar kölemindegi mindettemelerin Äzerbayjan ükimetiniñ memlekettik qwndı qağazdarına ayırbastap, 3,5 sıyaqı mölşerlemesimen 15 jılda qaytaru (2032 jıl) turalı wsınısına dauıs bergenin atap ötti.

"Qazirgi kezde osı kelisimdi räsimdeu jwmıstarı jürip jatır. Kelisim 2017 jıldıñ qırküyek ayınıñ soñına qaray ayaqtalıp qaluı mümkin", - dedi qor basşısı.

Al qor basşısınıñ orınbasarı Säule Egeubaeva bolsa BJZQ portfelindegi ÄHB obligaciyalarınıñ qwnı 1 şildedegi jağday boyınşa özgerip, 67,6 mlrd teñge bolğanın mälimdedi. Al 1 mausımdağı esep boyınşa 64,4 mlrd teñge bolğan edi.

Bwdan bwrın Egeubaeva problemalı banktegi zeynetaqı aktivterin bağalau üşin  Bloomberg aqparattıq jüyesi paydalanılatının tüsindirgen.

"Jıl basında bağa nominaldı qwnnıñ 85 payızın qwrağan, mausımda 82 payız boldı. Osığan baylanıstı aktiv qwnı qarjı esebinen özgerip otıradı", - dedi ol.

Eske salayıq, mamır ayında  qazaqstandıq ekonomister tarapınan Äzerbayjan halıqaralıq bankine zeynetaqı qorınıñ 71,3 mlrd teñgesi investiciyalanğanı turalı aqparat tarağan edi. Osıdan keyin 23 mamır küni Äzerbayjan banki kreditorlar aldındağı borıştı qwrılımdaudıñ üş nwsqasın wsınğan. Olar wsınğan üş nwsqa tömendegidey:

  • Birinşisi - ÄHB-tiñ 250 mln dollar qarızın Äzirbayjan Respublikasınıñ memlekettik qwndı qağazdarı türinde 200 mln AQŞ dollar etip, 12 jılda 5,125 payız mölşerlememen qaytaru.
  • Ekinşisi - 250 mln dollar qarızdı Äzirbayjan Respublikasınıñ memlekettik qwndı qağazdarı retinde 15 jılda 3,5 payızdıq mölşerlememen qaytaru.
  • Üşinşisi - 250 mln AQŞ dolların Äzirbayjan Respublikasınıñ memlekettik qwndı qağazdarı retinde 7 jılda 3,5 payızdıq üstememen 250 mln AQŞ dollar etip qaytaru.

“The Qazaq Times”