بىرىڭعاي جيناقتاۋشى زەينەتاقى قورىنىڭ پورتفەلىندەگى ازەربايجان حالىقارالىق بانكىنىڭ پروبلەمالى وبليگاتسيالارىن اۋىستىرۋ 2017 جىلدىڭ قىركۇيەك ايىنىڭ سوڭىنا قاراي اياقتالىپ قالۋى مۇمكىن. بۇل تۋرالى بجزق باسقارما توراعاسى ءنۇربۇبى ناۋرىزباەۆا مالىمدەدى.
الماتىدا وتكەن ءباسپاسوز كونفەرەنتسياسىندا ول ۇلتتىق بانك ۇكىمەتپەن بىرگە ءاحب-نىڭ 250 ملن دوللار كولەمىندەگى مىندەتتەمەلەرىن ازەربايجان ۇكىمەتىنىڭ مەملەكەتتىك قۇندى قاعازدارىنا ايىرباستاپ، 3,5 سىياقى مولشەرلەمەسىمەن 15 جىلدا قايتارۋ (2032 جىل) تۋرالى ۇسىنىسىنا داۋىس بەرگەنىن اتاپ ءوتتى.
"قازىرگى كەزدە وسى كەلىسىمدى راسىمدەۋ جۇمىستارى ءجۇرىپ جاتىر. كەلىسىم 2017 جىلدىڭ قىركۇيەك ايىنىڭ سوڭىنا قاراي اياقتالىپ قالۋى مۇمكىن", - دەدى قور باسشىسى.
ال قور باسشىسىنىڭ ورىنباسارى ساۋلە ەگەۋباەۆا بولسا بجزق پورتفەلىندەگى ءاحب وبليگاتسيالارىنىڭ قۇنى 1 شىلدەدەگى جاعداي بويىنشا وزگەرىپ، 67,6 ملرد تەڭگە بولعانىن مالىمدەدى. ال 1 ماۋسىمداعى ەسەپ بويىنشا 64,4 ملرد تەڭگە بولعان ەدى.
بۇدان بۇرىن ەگەۋباەۆا پروبلەمالى بانكتەگى زەينەتاقى اكتيۆتەرىن باعالاۋ ءۇشىن Bloomberg اقپاراتتىق جۇيەسى پايدالانىلاتىنىن تۇسىندىرگەن.
"جىل باسىندا باعا نومينالدى قۇننىڭ 85 پايىزىن قۇراعان، ماۋسىمدا 82 پايىز بولدى. وسىعان بايلانىستى اكتيۆ قۇنى قارجى ەسەبىنەن وزگەرىپ وتىرادى", - دەدى ول.
ەسكە سالايىق، مامىر ايىندا قازاقستاندىق ەكونوميستەر تاراپىنان ازەربايجان حالىقارالىق بانكىنە زەينەتاقى قورىنىڭ 71,3 ملرد تەڭگەسى ينۆەستيتسيالانعانى تۋرالى اقپارات تاراعان ەدى. وسىدان كەيىن 23 مامىر كۇنى ازەربايجان بانكى كرەديتورلار الدىنداعى بورىشتى قۇرىلىمداۋدىڭ ءۇش نۇسقاسىن ۇسىنعان. ولار ۇسىنعان ءۇش نۇسقا تومەندەگىدەي:
- ءبىرىنشىسى - ءاحب-ءتىڭ 250 ملن دوللار قارىزىن ءازىربايجان رەسپۋبليكاسىنىڭ مەملەكەتتىك قۇندى قاعازدارى تۇرىندە 200 ملن اقش دوللار ەتىپ، 12 جىلدا 5,125 پايىز مولشەرلەمەمەن قايتارۋ.
- ەكىنشىسى - 250 ملن دوللار قارىزدى ءازىربايجان رەسپۋبليكاسىنىڭ مەملەكەتتىك قۇندى قاعازدارى رەتىندە 15 جىلدا 3,5 پايىزدىق مولشەرلەمەمەن قايتارۋ.
- ءۇشىنشىسى - 250 ملن اقش دوللارىن ءازىربايجان رەسپۋبليكاسىنىڭ مەملەكەتتىك قۇندى قاعازدارى رەتىندە 7 جىلدا 3,5 پايىزدىق ۇستەمەمەن 250 ملن اقش دوللار ەتىپ قايتارۋ.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى