Foto: zhetysu.gov.kz

«Almatı - Bişkek» avtojolınıñ 786-790 şaqırım uçaskesi, yağni «Altın Orda» bazarı mañındağı 3,8 şaqırımdıq jol keñeytiledi. Bwl turalı Almatı oblısı äkimdiginiñ baspasöz qızmeti habarladı.

Almatı oblısı äkiminiñ orınbasarı Aydarbek Bayjanovtıñ mälimetinşe, osı mañdağı kölik keptelisin şeşu üşin oblıs äkimdiginiñ wsınısımen ükimet tarapınan qoldau tapqan  joba 2017 jılı jüzege asırıla bastaydı. Kürdeli jöndeu barısında jol üsti köpirleri men jol bwrılıstarın salu qarastırılmaq.

Almatı oblısı äkiminiñ orınbasarı Aydarbek Bayjanov. Foto: zhetysu.gov.kz

Al «KazAvtoJol» mekemesiniñ Almatı oblıstıq filialı direktorınıñ orınbasarı Nwrhat Aqıltaevtıñ aytuınşa, «Altın Orda» bazarı mañındağı avtojol arqılı täuligine 50 mıñ avtokölik jüredi. Mwndağı keptelis mäselesin şeşu maqsatında  joldıñ 16-19 şaqırım aralığı 8 jäne 10 jolaqtı bolmaq. Onıñ eki jolağı tranzittik kölikterge arnalsa, eki jolağı jergilikti mañğa jüretin kölikterge, al bir jolağı qoğamdıq kölikterge arnaladı. 16-şı şaqırımda bwrılıs estakadası qarastırıladı.

Jobanıñ ekinşi kezeñinde 18 mıñ twrğını bar «Asıl Arman» TK twrğındarınıñ ötinişi boyınşa atalğan keşennen qalağa bwrılatın «Truba» tipti jer üsti jolı salınsa, sonımen qatar Rayımbek auılı twsında tağı bir, joba boyınşa törtinşi jer üsti jolı qarastırılatın boladı. Eki kezeñiniñ de jobasın «AstanaStroyProektServis-M» JŞS dayındauda.

Jobanı tolıq jüzege asırudıñ aldın ala esepteu boyınşa qwnı 12 mlrd teñgege juıq dep jobalanıp otır. Biılğı jılğa 800 mln teñge bölingen. Kürdeli jöndeu jwmıstarı 2019 jılı tolığımen ayaqtaladı dep josparlanğan.

Ayta keteyik, qazirgi kezde Almatı qalasına sırttan beyresmi aqparat boyınşa 300 mıñnan asa kölik keledi. Al bwl qaladağı keptelisti arttırmasa azayta qoymaydı. Tiisinşe, qalada sırttan keletin kölikterdi qaldırıp, qajetti jerlerge basqa qoğamdıq köliktermen qatınauğa jağday jasalmağan. Tek joldı keñeyte beruden asıp jatqan joqpız.

“The Qazaq Times”