Foto: elpais.com

Barselona - älemdegi turisterdiñ eñ köp keletin orındarınıñ biri. 1,6 mln twrğını bar qalağa ötken jılı 32 mln turist kelgen. Jergilikti halıqtıñ basım köpşiligi turizm salasında eñbek etetinine jäne bir qalanıñ özinde 75 mıñ qonaq üy men zañdı tirkelgen 50 mıñ köñil köteru orındarı barına qaramastan, katalondıqtar turisterge qarsı akciyalar men demonstrativti şaralar wyımdastıra bastadı. Bwl turalı Euronews aqparattıq agenttigi jazadı. 

Şilde ayınıñ soñında turister mingen avtobusqa betperde kigen birneşe jastar minip, onıñ sırtına graffitimen "Turizm öñirlerdi öltiredi" degen jazudı sala bastağan. Alğaşında ne bolğanın tüsinbegen turister mwnı terrorlıq akti dep qabıldap, qattı qorqıp ketken.

Jaqın künderi Mayorkadağı jergilikti meyramhanalardıñ birine kirip kelgen belgisiz top qoldarına joğarıda atalğan mätindegi plakattardı wstap, jasandı tütin bötelkelerin laqtırıp, tamaqtanıp otırğan halıqtı bir şulatqan.

Boljam boyınşa, qoğamdıq qarsılıqtı ärtürli formada wyımdastırıp jüregnder -  Kataloniyanıñ täuelsizdigin qoldaytın partiyanıñ jastarı boluı mümkin. Eskeretin jayt, barlıq qarsılıqtar beybit türde ötip jatır. Birde bir turisttiñ  zardap şekkeni turalı aqparat tirkelmegen.

Atap ötu kerek, ağımdağı jıldıñ qañtar ayında Barselonada turisterdiñ keluin tejeu maqsatında, turistik ob'ektilerge jer bölmeu, orındardı qısqartu şaraların qamtitın zañ jobasın qabıldaudı talap etken halıqtıq şeru ötken bolatın.

“The Qazaq Times”