بارسەلونادا انتي-تۋريستىك كوڭىل-كۇي قالىپتاسىپ كەلەدى

بارسەلونا - الەمدەگى تۋريستەردىڭ ەڭ كوپ كەلەتىن ورىندارىنىڭ ءبىرى. 1,6 ملن تۇرعىنى بار قالاعا وتكەن جىلى 32 ملن تۋريست كەلگەن. جەرگىلىكتى حالىقتىڭ باسىم كوپشىلىگى تۋريزم سالاسىندا ەڭبەك ەتەتىنىنە جانە ءبىر قالانىڭ وزىندە 75 مىڭ قوناق ءۇي مەن زاڭدى تىركەلگەن 50 مىڭ كوڭىل كوتەرۋ ورىندارى بارىنا قاراماستان، كاتالوندىقتار تۋريستەرگە قارسى اكتسيالار مەن دەمونستراتيۆتى شارالار ۇيىمداستىرا باستادى. بۇل تۋرالى Euronews اقپاراتتىق اگەنتتىگى جازادى. 

شىلدە ايىنىڭ سوڭىندا تۋريستەر مىنگەن اۆتوبۋسقا بەتپەردە كيگەن بىرنەشە جاستار ءمىنىپ، ونىڭ سىرتىنا گراففيتيمەن "تۋريزم وڭىرلەردى ولتىرەدى" دەگەن جازۋدى سالا باستاعان. العاشىندا نە بولعانىن تۇسىنبەگەن تۋريستەر مۇنى تەررورلىق اكتى دەپ قابىلداپ، قاتتى قورقىپ كەتكەن.

جاقىن كۇندەرى مايوركاداعى جەرگىلىكتى مەيرامحانالاردىڭ بىرىنە كىرىپ كەلگەن بەلگىسىز توپ قولدارىنا جوعارىدا اتالعان ماتىندەگى پلاكاتتاردى ۇستاپ، جاساندى ءتۇتىن بوتەلكەلەرىن لاقتىرىپ، تاماقتانىپ وتىرعان حالىقتى ءبىر شۋلاتقان.

بولجام بويىنشا، قوعامدىق قارسىلىقتى ءارتۇرلى فورمادا ۇيىمداستىرىپ جۇرەگندەر -  كاتالونيانىڭ تاۋەلسىزدىگىن قولدايتىن پارتيانىڭ جاستارى بولۋى مۇمكىن. ەسكەرەتىن جايت، بارلىق قارسىلىقتار بەيبىت تۇردە ءوتىپ جاتىر. بىردە ءبىر ءتۋريستتىڭ  زارداپ شەككەنى تۋرالى اقپارات تىركەلمەگەن.

اتاپ ءوتۋ كەرەك، اعىمداعى جىلدىڭ قاڭتار ايىندا بارسەلونادا تۋريستەردىڭ كەلۋىن تەجەۋ ماقساتىندا، تۋريستىك وبەكتىلەرگە جەر بولمەۋ، ورىنداردى قىسقارتۋ شارالارىن قامتيتىن زاڭ جوباسىن قابىلداۋدى تالاپ ەتكەن حالىقتىق شەرۋ وتكەن بولاتىن.

“The Qazaq Times”