Foto: Radio Azattık

Şavkat Mirzieev Islam Kärimovtı sınağanı üşin Özbekstan wlttıq teleradiokompaniyasnıñ basşısı Hurşid Mirzahidovtı jwmısınan bosattı, dep habarlaydı Sputnik Uzbekistan internet basılımı.

Basılımnıñ mälimetinşe, Hurşid Mirzahidovtıñ jwmıstan quıluınıñ bastı sebebi «Özbekstan-24» telearnasındağı «Tahlilnoma» bağdarlamasınıñ efirinde Özbekstannıñ bwrınğı prezidenti Islam Kärimovtıñ jürgizgen sayasatın sınaytın syujettiñ körsetilui boluı mümkin.

"Tahlilnoma" bağdarlamasınıñ skrinşotı.

Hurşid Mirzahidovtıñ orınınan alınıp tastalatını jayında tamızdıñ 2-si küni belgili bolğan. Biraq onıñ jwmısınan bosatılğanı jayındağı resmi mälimdemeni Şavkat Mirzieev tamızdıñ 3-i küni jasağan. Sol küni Hurşid Mirzahidovtıñ esimi telearna saytınan alınıp tastalğan.

Hurşid Mirzahidov Özbekstan wlttıq teleradiokompaniyasınıñ basşısı bolıp 2017 jıldıñ aqpan ayında tağayındalğan. Al naurız ayında Şavkat Mirzieev bwqaralıq aqparat qwraldarın el biligin, qoğamda bolıp jatqan ötkir mäselelerdi sınauğa şaqırğan bolatın.

“The Qazaq Times”