Ierusalim qalası. Foto: Turprom.

2018 jıldıñ Islam älemi Jastar qalası bolıp Ierusalim qalası belgilendi. Bwl şeşimdi Islam Intımaqtastıq wyımı dialog jäne ıntımaqtastıq forumı şığarıp otır, dep habarlaydı «Anatolı» aqparat agenttiginiñ saytı.

Forumnıñ törağası Elşad Iskandarov bwl qaulınıñ maqsatı turalı bılay dedi: «Islam äleminiñ jer-jerinen Ierusalim qalasına jastar kelip, qaladağı kieli orındardı ziyarat etse, Ierusalimdegi islam erekşelikterine qoldau körsetken bolar edi dep oylaymız».

Ierusalim qalasınıñ 2018 jılı Islam älemi jastar qalası etip belgileu Hattamasına Islam Intımaqtastıq wyımınıñ dialog jäne jastar forumı törağası Elşad Iskandarov pen Palestinanıñ Jastar jäne sport ministri qol qoydı.

2016 jılı Islam jastar qalası bolıp Stambul belgilengen. 2017 jılı Malayziyanıñ, Marokko jäne Irannıñ birneşe qalaları öz mindetine alıp otır.

Islam jastar qalası bağdarlaması Palestina jastarına ülken äser qaldıru, Ierusalim mäselesinde islam älemniñ wyımşıldığın arttıru maqsatında jasalıp otırğanı Forumnıñ saltanattı jinalısında belgili boldı.

“The Qazaq Times”