يەرۋساليم قالاسى. فوتو: تۋرپروم.

2018 جىلدىڭ يسلام الەمى جاستار قالاسى بولىپ يەرۋساليم قالاسى بەلگىلەندى. بۇل شەشىمدى يسلام ىنتىماقتاستىق ۇيىمى ديالوگ جانە ىنتىماقتاستىق فورۋمى شىعارىپ وتىر، دەپ حابارلايدى «اناتولى» اقپارات اگەنتتىگىنىڭ سايتى.

فورۋمنىڭ توراعاسى ەلشاد يسكانداروۆ بۇل قاۋلىنىڭ ماقساتى تۋرالى بىلاي دەدى: «يسلام الەمىنىڭ جەر-جەرىنەن يەرۋساليم قالاسىنا جاستار كەلىپ، قالاداعى كيەلى ورىنداردى زيارات ەتسە، يەرۋساليمدەگى يسلام ەرەكشەلىكتەرىنە قولداۋ كورسەتكەن بولار ەدى دەپ ويلايمىز».

يەرۋساليم قالاسىنىڭ 2018 جىلى يسلام الەمى جاستار قالاسى ەتىپ بەلگىلەۋ حاتتاماسىنا يسلام ىنتىماقتاستىق ۇيىمىنىڭ ديالوگ جانە جاستار فورۋمى توراعاسى ەلشاد يسكانداروۆ پەن پالەستينانىڭ جاستار جانە سپورت ءمينيسترى قول قويدى.

2016 جىلى يسلام جاستار قالاسى بولىپ ستامبۋل بەلگىلەنگەن. 2017 جىلى مالايزيانىڭ، ماروككو جانە يراننىڭ بىرنەشە قالالارى ءوز مىندەتىنە الىپ وتىر.

يسلام جاستار قالاسى باعدارلاماسى پالەستينا جاستارىنا ۇلكەن اسەر قالدىرۋ، يەرۋساليم ماسەلەسىندە يسلام الەمنىڭ ۇيىمشىلدىعىن ارتتىرۋ ماقساتىندا جاسالىپ وتىرعانى فورۋمنىڭ سالتاناتتى جينالىسىندا بەلگىلى بولدى.

“The Qazaq Times”