Foto: vko.sud.kz

Almatı qalasında kämelettik jasqa tolmağandardıñ zañdı ökilderiniñ ertip jüruinsiz tün mezgilinde köñil köteru orındarında (22.00-den keyin) jäne üyden tısqarı jerlerde (23.00-den keyin) jürgeni üşin 2 mıñ 420 ata-ana äkimşilik jauapkerşilikke tartıldı. Bwl turalı Almatı qalası İİD-nıñ baspasöz qızmeti habarladı. 

Sonday-aq, kämelettik jasqa tolmağandardıñ tüngi uaqıtta zañdı ökilderiniñ ertip jüruinsiz köñil köteru orındarında jüruine jol bergen oyın-sauıq mekemeleriniñ 37 qızmetkeri sot şeşimimen äkimşilik jauapqa tartılğan.

YUvenal'dı policiya qızmetkerleri, uçaskelik inspektorlar men kriminal'dı policiya ökilderinen qwrılğan toptar kün sayın özge qalalardan kelgen jasöspirimderdi der kezinde anıqtau üşin jastar men jasöspirimder köp şoğırlanatın (jastar köp jinalatın jerler, aulalar, jertöleler, şatırlar, oyın-sauıq mekemeleri, bazarlar, vokzaldar, skverler men sayabaqtar jäne t.b.) jerlerde reydtik şaralar jürgizude.

“The Qazaq Times”