Foto: egemen.kz

Astana qalasınıñ işki ister departamentiniñ jergilikti policiya qızmetiniñ habarlauınşa, 5 kün işinde elordada QR ÄQK-niñ 437 babı boyınşa («Tınıştıqtı bwzu») 35 qwrılıs kompaniyası äkimşilik jauapkerşilikke tartılğan. Olardıñ qatarında: «Iqılas qwrılıs» JŞS, «Lyuksor KZ» JŞS,  «Miledi M sauda üyi» JŞS jäne t.b. bar.

Zañğa säykes sağat 23.00.-den tañğı 06.00.-ge deyin tınıştıqtı bwzğanı üşin jeke twlğağa– 5 AEK, şağın käsipkerlik sub'ektilerine- 10 AEK, orta käsipkerlik sub'ektilerine- 15 AEK, iri käsipkerlik sub'ektileri üşin 50 AEK köleminde ayıppwl salınadı.

Esteriñizge sala keteyik, 22 mausımda äkimdikte tüngi uaqıtta qwrılıs jwmıstarın jürgizuge tıyım salu jöninde şeşim qabıldanğan bolatın. Tınıştıqtı bwzğan jağdayda twrğındar jergilikti policiya qızmetine  nemese 109 nömiri boyınşa şağımdana aladı.

“The Qazaq Times”