ەكى جارىم مىڭعا جۋىق اتا-انا اكىمشىلىك جاۋاپكەرشىلىككە تارتىلدى

الماتى قالاسىندا كامەلەتتىك جاسقا تولماعانداردىڭ زاڭدى وكىلدەرىنىڭ ەرتىپ ءجۇرۋىنسىز ءتۇن مەزگىلىندە كوڭىل كوتەرۋ ورىندارىندا (22.00-دەن كەيىن) جانە ۇيدەن تىسقارى جەرلەردە (23.00-دەن كەيىن) جۇرگەنى ءۇشىن 2 مىڭ 420 اتا-انا اكىمشىلىك جاۋاپكەرشىلىككە تارتىلدى. بۇل تۋرالى الماتى قالاسى ءىىد-نىڭ ءباسپاسوز قىزمەتى حابارلادى. 

سونداي-اق، كامەلەتتىك جاسقا تولماعانداردىڭ تۇنگى ۋاقىتتا زاڭدى وكىلدەرىنىڭ ەرتىپ ءجۇرۋىنسىز كوڭىل كوتەرۋ ورىندارىندا جۇرۋىنە جول بەرگەن ويىن-ساۋىق مەكەمەلەرىنىڭ 37 قىزمەتكەرى سوت شەشىمىمەن اكىمشىلىك جاۋاپقا تارتىلعان.

يۋۆەنالدى پوليتسيا قىزمەتكەرلەرى، ۋچاسكەلىك ينسپەكتورلار مەن كريمينالدى پوليتسيا وكىلدەرىنەن قۇرىلعان توپتار كۇن سايىن وزگە قالالاردان كەلگەن جاسوسپىرىمدەردى دەر كەزىندە انىقتاۋ ءۇشىن جاستار مەن جاسوسپىرىمدەر كوپ شوعىرلاناتىن (جاستار كوپ جينالاتىن جەرلەر، اۋلالار، جەرتولەلەر، شاتىرلار، ويىن-ساۋىق مەكەمەلەرى، بازارلار، ۆوكزالدار، سكۆەرلەر مەن ساياباقتار جانە ت.ب.) جەرلەردە رەيدتىك شارالار جۇرگىزۋدە.

“The Qazaq Times”