Foto: bbc.com

AQŞ Prezidenti Donal'd Tramp Amerika men Reseydiñ qarım qatınası "Qauipti şekte" twrğanın jetkizdi. Osı aptanıñ särsenbisinde ol jaña sankciyalar turalı zañnıñ qabıldanuına qarsılıq bildirip, onı qatelik dep atağanına qaramastan, Resey, Iran jäne  Soltüstik Koreyağa qarsı ekonomikalıq şekteu şaraların jürgizu turalı qwjatqa qol qoyıp edi. Bwl turalı BBC aqparattıq agenttigi jazadı.

Atalğan zañ jobası Reseydiñ 2014 jılı Ukrainadağı Qırım mäselesine qatıstı äreketi üşin salınğan sankciyalardı qatañdatıp, Amerikada osı jılı ötken Prezidenttik saylauğa aralastı degen äli däleldenbegen ayıbı üşin jaña şekteu şaraların engizedi. Mäskeude bwl qwjattı Reseyge qarsı bastalğan "Sauda soğısı" dep qabıldadı.

Öziniñ tvitter paraqşasında, bolğan oqiğağa narazılığın bildirgen prezident Donal'd Tramp: "Bizdiñ Reseymen qarım-qatınasımız "qauipti şekte" twr. Osınıñ bärine senderge tipti, dwrıs densaulıq saqtau reformasın wsına almay otırğan Kongress kinäli. Men prezident esebinde, sırtqı sayasatta özge memlekettermen, Kongresske qarağanda jaqsıraq mämilege kelemin" , - dep jazdı.

Oğan jauap retinde respublikalıq senator Tom Kotton BAQ ökilderine bergen swhbatında: "Bizdiñ Reseymen qarım-qatınasımızdıñ "qauipti şekte" twrğanına Vladimir Putin kinäli", - dedi.

Osıdan bwrın jaña sankciyalarğa qatıstı "Bwl - Resey men AQŞ-tıñ qarım-qatınası jaqsaruı mümkin degen kez-kelgen ümitti birjola joyadı" dep pikir bildirgen Dmitriy Medvedev öziniñ Facebook paraqşasında bılay dep jazdı: "Qolğa alınğan şaralar Donal'd Tramptıñ tolıqtay älsizdigin körsetti, Kongress onı qorladı".

Kreml'diñ baspasöz hatşısı Dmitriy Peskov berilgen pikir turalı jauabın "Resey öziniñ müddelerin qorğaytın boladı", - dep, qısqa qayırdı.

“The Qazaq Times”