Foto: strategy2050.kz

Osı jılı memleket sporttı damıtuğa 49 mlrd teñge böledi, bwl ötken jılğı somamen salıstırğanda 70 mln teñgege köp. Dene şınıqtıru jäne sportpen aynalısatındardıñ sanı 2014 jıldan beri 25,1 payızdan 27,4 payızğa deyin artıp, 2016 jılı 4,8 mln adamdı qwrağan. Mwnday mälimetti  Finprom.kz agenttigi keltirip otır.  

Al osı jıldıñ soñına qaray olardıñ sanı 28 payızdı, 2020 jılı 30 payızdı qwrauı mümkin. Sonday-aq, sportpen aynalısatın jasöspirimder men balalardı qamtu 13 payızdan 15,3 payızğa deyin artqan.

Mümkindigi şekteuli 644 twlğanıñ (eldegi jalpı halıqtıñ 3,6 payızı) 269-ında sportpen aynalısuğa qarsı körsetkişter joq. Bwlardıñ işinde dene şınıqtıru jäne sportpen aynalısatındardıñ ülesi 2014-2016 jıl aralığında 9,2 payızdan 10,2 payızğa deyin köbeygen.

Osılayşa eşbir ekonomikalıq jağdaylarğa qaramastan käsibi sportşılar men olimpiada oyınşılarına bölingen qarjı jıl sayın artıp otır. Degenmen bwqaralıq sport türlerine az qarjı bölingen.

Sporttı damıtuğa bölingen byudjet qarjısı. Derekköz: Finprom.kz

Osı jılı käsibi sportşılarğa bölinetin qarjı ötken jılğa qarağanda  2 mlrd teñgege artıq boladı. Al QR Wlttıq qwrama komandasın sporttıq is-şaralarğa dayındap, qatıstıru üşin 17,4 mlrd teñge bölinedi. Ötken jılı bölingen qarjığa qarağanda bwl qarajat eki eseden de köp.

Bwqaralıq sport türlerinie keler bolsaq, osı jılı 7,2 mlrd teñge bölingen. Al kelesi jılı bölinetin 3 esege az bolmaq, şamamen 2,7 mlrd teñgeni qwraydı. Ayta keteyik, osı jılı sportqa qabiletti balalardı oqıtuğa jäne dayındauğa 4,3 mlrd teñge bölinedi.

Jalpı Qazaqstanda bwqaralıq sporttı damıtudağı negizgi mäselelerdiñ biri auıldı jerler men öñirlerdegi materialdıq-tehnikalıq bazalardıñ jetispeuşiligi bolıp otır. Mısalı auıldağı twrğındardıñ tek 20-25 payızı ğana dene şınıqtıru jäne sportpen aynalısadı. Sonday-aq, selolıq okrugterdiñ 33 payızında nwsqauşılar men ädiskerler jetispeydi.

“The Qazaq Times”