Foto: theamla.com

Osı jıldıñ birinşi jartı jıldığında qazaqstandıq bankter kredittik kartalardı belsendi türde şığara basağan. Alayda osı qwral boyınşa merzimi ötken qarız kölemi de artıp jatır. Bwl turalı Birinşi kredittik byuro ökilderi habarladı.

BKB-nıñ mälimetinşe, kredit narığı 2016 jılğa qarağanda eki esege wlğayğan. Bankter arqılı tağayındalğan kreditter limitiniñ jalpı soması osı jıldıñ altı ayında-aq 38 mlrd teñgege jetken. Al 2016 jıldıñ 12 ayında 39 mlrd teñge bolğan. Al kredit kartalarınıñ portfeli (qarız) 45,2 mlrd teñge şamasında, al qoldanısta jürgen karta sanı 410 mıñ danadan asqan.

BKB aqparatına sensek, osı jıldıñ altı ayında bölşek kreditterdiñ jiıntıq soması 4,81 trln teñgege jetti. Al tölem merzimi 90 künnen asıp ketken kreditterdiñ altı aydağı ülesi 17,3 payızdı qwradı. Bwl mamır ayındağı körsetkişke qarağanda 0,6 payızğa az, alayda birinşi toqsanmen salıstırğanda 0,2 payızğa joğarı.

"Biz bank segmentindegi marketingtik belsendiliktiñ tömen boluına qaramastan twtınuşılardıñ wsınısı men swranısınıñ artuına baylanıstı narıqta qalıptı ösim boladı dep boljap otırmız", - deydi byuro sarapşıları.

Sonday-aq, byuro ökilderi narıqta jalpı kreditteu ülesi artıp kele jatqanın aytadı.

“The Qazaq Times”