Foto; CNN

Venesuelada  ötken tüni  oppoziciya jetekşileri Leopol'do Lopes pen Antonio Ledesmanı memlekettik barlau qızmetiniñ köliginde kelgen betin bürkemelep alğan adamdar belgisiz bağıtta alıp ketken. Bwl turalı qolğa tüsken oppozicionerlerdiñ otbası müşeleri özderiniñ tvitter paraqşalarına jariyalağan beynejazbalarında mälimdedi. CNN aqparattıq agenttiginiñ jurnalisteri oqiğağa taldau jasap, eki azamattıñ nege ayıptı bolğanın anıqtauğa tırıstı. 

Ötken jeksenbide Venesuelada halıq pen bilik arasındağı qarsılıqqa negiz bolğan saylau ötti. 10-ğa juıq adamnıñ ömirin qiğan qaqtığıstarğa qaramastan, Wlttıq Assambleyanıñ ornına el prezidenti Nikolas Maduronıñ jaqtastarınan qwralğan, 545 adamnan twratın Qwrıltay jinalısı saylandı. Onıñ mindeti - Venesuelanıñ Konstituciyasına özgerister engizu. Odan bölek, Nikolas Maduronıñ sayasi qarsılastarın qudalaytın "aqiqat ornatuşı komissiya" jwmısın bastaydı. Bwl jañaşıldıqtarğa qarsılıq tanıtqan halıq saylaudı boldırmau üşin, ağımdağı jıldıñ säuir ayınan bastap küresip keledi. Tolassız jürgen köterilister nätijesinde osı uaqıtqa deyin 125-ke juıq adam köz jwmğan. Juırda ötken saylaudıñ qorıtındılarına kümän keltirip, onı "jalğan" dep esepteytin Venesuelanıñ bas prokurorı Nikolas Maduro jariyalağan "Jeñis deklaraciyasına": "Bwl - söz bostandığınıñ ayaqtaluı" degen pikir bildirdi.

Oppoziciya jetekşileriniñ äyelderi olardıñ ömiri men densaulığına nendey bir zardap kelse, kinäsi  Ükimettiñ moynında boladı dep, azamattarınıñ memleket basşısına qarsı äreketi üşin wstalğandarına senimdi.

Leopol' Lopes Venesuelanıñ birinşi prezidenti Kristobal' Mendosanıñ wrpağı. Bilik basındağı socialisterge qarsılığı üşin, 2008 jılı "jemqorlıq jasadı" degen ayıppen qızmetinen bosağan. 2011 jılı Halıqaralıq adam qwqıqtarı jönindegi sot onı aqtağanımen, Venesueladağı tağılğan ayıptan arıla almadı. 2014 jılı bilikke qarsı şeru kezinde qaza tapqan 3 adamnıñ ölimine kinäli dep tabılıp, 2015 jılı 14 jılğa bas bostandığınan ayırılğan. Osı jıldıñ şilde ayınan bastap, jazası üy qamağına auırıstırılğan bolatın. Osıdan eki apta bwrın tüsirgen beynejazbasında ol jergilikti halıqtı memleketke qarsı küresin toqtatpauğa şaqıradı.

Öziniñ oppoziciyalıq jolın 2008 jıldarı bastağan Antonio Ledesma köp uaqıt boyı Karakastıñ mayorı qızmetin atqarğan. Eldiñ esinde onıñ bwrınğı prezident Ugo Çavestiñ sayasatına qarsı aştıq jariyalağan akciyası jaqsı saqtalğan.

AQŞ demokratiyalıq principterge qayşı äreket etkeni üşin, Venesuela prezidenti Nikolas Maduroğa qarsı sankciyalar jariyalap, onıñ Amerika qwzıretine kiretin aktivterin tolıqtay şektep tastadı.

“The Qazaq Times”