"Soltüstik Koreyanıñ negizgi maqsatı - AQŞ-tıñ jerine jañılmay jetip, qwlaytın yadrolıq oqtwmsıqtardı dayındau. 28 şilde küni sınaqtan ötkizilgen "Hvason-14" qwrlıqaralıq ballistikalıq zımıranı KHDR-dıñ öz maqsatı jolında ülken jetistikterge qol jetkizgenin körsetedi", - dep jazadı CNN aqparattıq agenttigi.

BWW men älemniñ birneşe memleketinen san türli eskertuler alğanına qaramastan, Soltüstik Koreya osı uaqıtqa deyin yadrolıq qaruın sınaqtan ötkizip keldi. AQŞ özine qarsı wşırılğan zımırandardıñ sınağınan  neni üyrenip, qanday sabaq aldı? Bwl turalı Bükilälemdik qauipsizdik bağdarlamasınıñ jetekşisi, "Alañdaulı ğalımdar Odağınıñ" müşesi David Wright-tıñ pikirin wsınamız.

"28 şilde küni wşırılğan zımıran Soltüstik Koreyanıñ wzaq qaşıqtıqtarğa jetetin qaruı barın däleldedi. Ğalımdardıñ jürgizgen esebi boyınşa, 2 mıñ 300 km  biiktikte wşqan zımıran standarttı traektoriyamen qozğalsa, AQŞ-tıñ batıs jağalauına jetip, Çikago, Boston, tipti N'yu-Yorkke soqqı berui mümkin. Bizde zımırannıñ sipattaması turalı tolıq mälimet joq, degenmen qolda bar aşıq derekterge qarap, Soltüstik Koreya wzaq qaşıqtıqqa jiberiletin zımırandar jasauda köş ilgerilegen degen qorıtındı şığaruğa boladı. Zımırannıñ quatı iri äskeri bazalardı joyıp jibere almasa da, qalalardı qiratuğa qauqarı jetedi".

Säuir ayında wşırılğan üş zımırannıñ  sätsizdigi AQŞ-tıñ resmi ökilderi tarapınan "KHDR-da tehnikalıq mäselelerdi şeşu boyınşa birqatar qiındıqtar bar" degen qorıtındı şığaruğa mümkindik bergen edi. Degenmen, onıñ soñğı äskeri quatın körsetetin demonstraciyaları Alyaska men Gavay araldarına jetetin zımırandar öndirisiniñ jaqsı jolğa qoyılğanın körsetti. Körşiles Oñtüstik Koreyadağı AQŞ-tıñ äskeri bazası men Japoniyanıñ jağalauına aytarlıqtay zardabın tigizuge qabiletti zımırandardıñ sınaması da älem jwrtşılığınıñ köz aldında jüzege astı. Amerika Ükimetiniñ "Soltüstik Koreyanıñ äreketine älem bolıp, tosqauıl qoyu qajet", -  dep, barlıq memleketti qıspaqqa alıp jatqanı da, onıñ özine tönip otırğan qauipti ayqın sezingendiginen siyaqtı.

“The Qazaq Times”