Foto: AFP

AQŞ Okinavadağı "Futemma" äskeri bazasına tiesili 481 gektar jerdiñ 4 gektar böligin Japoniya Ükimetine qaytardı. Berilgen jer köleminde zalaldı zattardıñ bar-joğı anıqtalğan soñ, 2019 jılı mwnda jergilikti twrğındardıñ paydalanuı üşin jol salınadı. Bwl turalı Japoniyanıñ Kidodo basılımı habarladı.

AQŞ-tıñ qarauına berilgen aumaqtıñ bir böligin qaytaru turalı kelisimder 2016 jıldıñ jeltoqsanında jasalğan bolatın.

Qazir AQŞ-tıñ "Futemma" äskeri bazasınıñ aerodromı jergilikti halıq twratın audannıñ däl ortasında ornalasqan. Japondıqtar bwl olardıñ ömiri üşin qauipti dep esepteydi.

Osıdan aldın, Japoniya biligi äskeri bazanı tolıqtay Okinavanıñ soltüstik böligindegi Henoko auılınıñ mañına köşirip, jaña aerodrom salu turalı wsınıs bildirgenimen, ortaq mämilege kele almadı.

Okinava Japoniya territoriyasınıñ  0,8 payızın ğana qwrağanımen, mwnda AQŞ-tıñ äskeri küşteriniñ 74 payızı şoğırlanğan. Okinava äkimşiliginiñ mälimetinşe, onda 25,8 mıñ AQŞ äskerileri jäne olardıñ janwyasına kiretin 19 mıñ qarapayım amerikalıq azamattar twradı.

“The Qazaq Times”