فوتو: AFP

اقش وكيناۆاداعى "فۋتەمما" اسكەري بازاسىنا تيەسىلى 481 گەكتار جەردىڭ 4 گەكتار بولىگىن جاپونيا ۇكىمەتىنە قايتاردى. بەرىلگەن جەر كولەمىندە زالالدى زاتتاردىڭ بار-جوعى انىقتالعان سوڭ، 2019 جىلى مۇندا جەرگىلىكتى تۇرعىنداردىڭ پايدالانۋى ءۇشىن جول سالىنادى. بۇل تۋرالى جاپونيانىڭ كيدودو باسىلىمى حابارلادى.

اقش-تىڭ قاراۋىنا بەرىلگەن اۋماقتىڭ ءبىر بولىگىن قايتارۋ تۋرالى كەلىسىمدەر 2016 جىلدىڭ جەلتوقسانىندا جاسالعان بولاتىن.

قازىر اقش-تىڭ "فۋتەمما" اسكەري بازاسىنىڭ اەرودرومى جەرگىلىكتى حالىق تۇراتىن اۋداننىڭ ءدال ورتاسىندا ورنالاسقان. جاپوندىقتار بۇل ولاردىڭ ءومىرى ءۇشىن قاۋىپتى دەپ ەسەپتەيدى.

وسىدان الدىن، جاپونيا بيلىگى اسكەري بازانى تولىقتاي وكيناۆانىڭ سولتۇستىك بولىگىندەگى حەنوكو اۋىلىنىڭ ماڭىنا كوشىرىپ، جاڭا اەرودروم سالۋ تۋرالى ۇسىنىس بىلدىرگەنىمەن، ورتاق مامىلەگە كەلە المادى.

وكيناۆا جاپونيا تەرريتورياسىنىڭ  0,8 پايىزىن عانا قۇراعانىمەن، مۇندا اقش-تىڭ اسكەري كۇشتەرىنىڭ 74 پايىزى شوعىرلانعان. وكيناۆا اكىمشىلىگىنىڭ مالىمەتىنشە، وندا 25,8 مىڭ اقش اسكەريلەرى جانە ولاردىڭ جانۇياسىنا كىرەتىن 19 مىڭ قاراپايىم امەريكالىق ازاماتتار تۇرادى.

“The Qazaq Times”