Foto: Reuters

AQŞ BWW-nıñ Qauipsizdik Keñesinde Soltüstik Koreyanıñ soñğı ötkizgen zımıran sınağına qatıstı talqılau aşudıñ eş mañızdılığı joq ekenin eskertti. Öytkeni mwnday söz jüzindegi kezdesulerdiñ köptigin Soltüstik Koreya älemdik qauımdastıq onıñ äreketterin ayıptap otırğan joq dep tüsinui mümkin. 

AQŞ-tıñ BWW-dağı elşisi Nikki Heyli : "Soltüstik Koreyamen kelissözder jürgizudiñ, bwl taqırıp ayasında söylese berudiñ uaqıtı bitti. Naqtı is-äreketerge köşu kerek", - dep mälimdedi.

Soltüstik Koreya osı uaqıtqa deyin BWW-nıñ eskertulerine qaramastan, birneşe dürkin zımırandardıñ sınaqtarın ötkizip, AQŞ-tıñ barlıq qalaları olardıñ qarulı nısanasında ekendigin däleldedi. Oğan jauap retinde Korey jartıtübeginde birneşe äskeri jattığular men sınamalar ötkizgen Amerika endi Phen'yandı bükil älemnen oqşaulap, oğan qısım körsetudiñ amalın jüzege asıruğa bar küşin salıp otır. Juırda Japoniyanıñ Prem'er ministri Sindzo Abe men  Donal'd Tramp arasında ötken kezdesudegi ekonomikalıq şekteuler turalı kelissözder - osınıñ ayğağı.

Nikki Heyli Qıtay biligin KHDR men AQŞ arasında tañdau jasauğa şaqırdı. Soltüstik Koreyamen sauda baylanıstarın äli de bolsın üzbey otırğan Qıtaydıñ äreketi Amerikanıñ aşuına tigenge wqsaydı. Öytkeni osı mälimdemeden bwrın Donal'd Tramp öziniñ tvitter paraqşasında AQŞ-pen saudadan milliardtağan qarjı tauıp otırğan Qıtay Soltüstik Koreyanıñ qarulı bağdarlamasın toqtatuğa eşqanday küş salmağanına narazı ekendigin jazğan edi.

“The Qazaq Times”