QR Bilim jäne ğılım ministri Erlan Sağadiev joğarğı oqu orındarındağı oqu bağası nege qımbattap jatqanın tüsindirdi.

Onıñ sözinşe, JOO-lardağı bilim beru bağasınıñ qımbattauı osı saladağı jemqorlıqtan jäne universitetterdegi kezekten qwtıluğa mümkindik beredi.

"Eger joğarı oqu orındarı oqu bağası qımbat bolğan jağdayda studentter sanı jetkilikti boladı dep eseptese, ol dwrıs. Men ayttım, bwl narıq, bwl qızmet. Men ministrlik ärbir jeke oqu ornına barıp qanday bağa qoyu kerektigin aytuğa mindetti dep oylamaymın. Eger onday bolsa bizde qaytadan universitetterdegi kezek, jemqorlıq siyaqtı daular köbeyedi", - deydi ministr.

Onıñ aytuınşa, mwnday jağdayda tek bäsekelestikke jäne narıqtıq şarttarğa ümit artuğa tura keledi.

Ayta keteyik, bwğan deyin 2016-2017 oqu jılında qarjılıq qiındıqtarğa baylanıstı  17 mıñ student oqudan şığıp ketkeni ayılğan bolatın. Olardıñ  11 mıñı jekemenşik oqu orındarınıñ studentteri.

“The Qazaq Times”