Foto: Habar

2017 jıldıñ jeltoqsan ayınan bastap Qazaqstandağı üş avtojolğa aqılı jüye engiziledi. Bwl turalı QR Investiciyalar jäne damu ministri Jeñis Qasımbek Ükimet otırısında mälimdedi, dep habarlaydı ministrliktiñ baspasöz qızmeti. 

Onıñ aytuınşa, «Nwrlı jol» memlekettik bağdarlamasınıñ negizgi basım mindetteriniñ biri - respublikalıq mañızdağı avtojoldarğa aqılı jüye engizu. Osığan baylanıstı barlığı 6,5 mıñ şaqırım avtojoldı aqılı etu josparlanuda.

«Biıl biz Astana-Temirtau (132 km) jäne Almatı-Qapşağay (42 km) avtojoldarında aqı alu jüyesin montajdau jwmıstarına kiristik. Al, ekinşi jartıjıldıqta Almatı-Qorğas (295 km) avtojolındağı aqılı jüyeni montajdau jwmısı bastaladı. Jıl soñına qaray atalmış uçaskelerde aqılı jüye tolıq engizilietin boladı», - dedi ministr Jeñis Qasımbek.

QR IDM basşısınıñ mälimeti boyınşa jıl soñına deyin 5,5 mıñ şaqırım jolğa aqılı jüye engizu jobaların äzirleudi ayaqtau josparlanıp otır.

Aqılı jüyeni engizu men jüyeni paydalanu üşin osı saladağı älemge tanımal kompaniyalardı (Kapch, FETC, RT-Invest) jwmıldıru maqsatında EQDB-nıñ qosımşa qarjılandıruımen investorlar tartu josparlanuda Al mwnı iske asıru kezeñi 2018-2019 jıldar aralığın qamtidı.

Ministrliktiñ mälimetinşe, qazirgi uaqıtta «QazAvtoJol» WK» AQ EQDB-dan 150 mln AQŞ dolları somasında zaym tartu boyınşa jwmıstar jürgizude.

Ayta keteyik, şın mäninde aqılı joldardan jinalğan qarajat sol joldıñ sapasın jaqsartu maqsatında jwmsalu kerek. Alayda qazirgi kezde Qazaqstannıñ mañızı bar jol toraptarınıñ jağdayı jaqsı bolğanmen, basqa öñirlerdegi joldardıñ sapası sın kötermeydi.

“The Qazaq Times”